Ulet koha e pritjes në pikat e kalimit kufitar/ Qeveria miraton marrevëshjen me Maqedoninë e Veriut
Mes Shqipërisë dhe Maqedonisë së Veriut do të ketë pika të përbashkëta të kalimit kufitar, me qëllim lehtësimin e lëvizjes së udhëtarëve dhe automjeve që shkëmbejnë mallra mes dy vendeve. Kështu është shprehur Ministri i Punëve të Brendshme, Besfort Lamallari, gjatë prezantimit të vendimeve të qeverisë, teksa shtoi se deri në miratimin në parlamentet përkatëse, do të shfrytëzohet periudha e testimit për të lehtësuar në praktikë kalimet e qytetarëve dhe mallrave përmes pikave kufitare që janë pjesë e marrëveshjes.
“Një vendim shumë i rëndësishëm që u miratua sot është dhe marrëveshja që u nënshkrua në fund të muajit qershor së bashku me homologun e Maqedonisë së Veriut për pikat e përbashkëta të kalimit kufitar dhe kryerjen në mënyrë të përbashkët të veprimtarive të autoriteteve përkatëse të kontrollit kufitar duke përcaktuar procedura më të lehtësuara si për udhëtarët, po ashtu dhe për automjetet, të cilat shkëmbejnë mallra midis dy vendeve tona dhe kjo është një kontribut jo vetëm në rritjen e një turizmi cilësor në kuptim të procedurave të lehtësuara pa radhë, por edhe të një ekonomie më të fortë mes dy vendeve tona duke qenë se përfitojnë bizneset pikërisht nga kjo marrëveshje e cila nga ky moment i quhet drejtpërdrejt Parlamentit shqiptar për miratim, ratifikim”, tha ai.
Ndërkohë, për sa i përket angazhimit që Shqipëria ka ndërmarrë në kuadër të Bordit të Paqes për dërgimin e trupave në Gaza, Ministri i Mbrojtjes Ermal Nufi, deklaroi se javën e ardhshme qeveria do të miratojë një vendim mbi numrin e trupave.
“Angazhimi lidhet kryesisht me faktin që ne do të dërgojmë oficera shtabi në Shtabin e Forcës Ndërkombëtare Stabilizuese. Kemi bërë një mision të shqyrtimit të territorit, rrethanave, kushteve në Gaza, pas atij misioni, ne do të dërgojmë oficera shtabi që do të bëhen pjesë e Shtabit të Forcës Ndërkombëtare Stabilizuese. Me dërgimin e këtyre forcave, pra këtyre oficerëve të shtabit, do të bëhet vlerësimi edhe për angazhimin e trupave konkretë. Aty do të jemi në gjendje të specifikojmë pastaj se sa trupa do të dërgohen, ku do të dërgohen specifikisht dhe cili do të jetë misioni i tyre”, tha Nufi.
Për sa i takon marrëveshjes së nënshkruar me Shtetet e Bashkuara të Amerikës për akordimin e një huaje prej 300 milionë eurosh në fushën e mbrojtjes, Ministri u shpreh se ajo do të përdoret për zhvillimin dhe modernizmin e kapaciteteve dhe sistemeve të mbrojtjes.
“ATP, dy ditë në javë takime me qytetarët për pronat”/ Gogu: Kapitujt me BE synohet të mbyllen brenda shtatorit 2027
Qytetarët që kanë çështje të pazgjidhura pronësie do të mund të komunikojnë drejtpërdrejt me drejtuesit e Agjencisë së Trajtimit të Pronave. Çdo të mërkurë,......
Hapet dega e “Ziraat Bank” në Tiranë / I pranishëm edhe kryeministri Edi Rama
Në Tiranë u zhvillua ceremonia e hapjes së degës së bankës se re, “Ziraat Bank”, ku I pranishëm ishte kryeministri Edi Rama, ministra të qevererisë......
Cili qark prodhon më shumë bimë medicinale? Prodhimi dyfishohet në një dekadë. Shkodra dominon me 72% të peshës
Prodhimi i evidentuar i bimëve medicinale dhe erëzave në Shqipëri ka vijuar rritjen edhe gjatë vitit 2025, duke arritur nivelin më të lartë të dekadës së......
Airbnb në Shqipëri, si po ndryshon tregu? Vlora udhëheq për fluksin, Golemi regjistron tarifën mesatare ditore më të lartë
Tregu i Airbnb në Shqipëri vijon të shfaqë performancë pozitive gjatë vitit 2026, me rivierën shqiptare që mbetet destinacioni më i kërkuar nga turistët......
Shtrëngohen rregullat për pronarët përfitues - Ndryshon sërish ligji, më shumë kontroll mbi pastrimin e parave
Qeveria do të ndryshojë ligjin për pronarët përfitues, me qëllim plotësimin e mangësive që ka dhe hapësirave që krijon për pastrimin e parave nga subjektet......
Kursi i këmbimit/ Rritje e lehtë për Frangën dhe Paundin
Dollari amerikan nuk ka pasur ndryshime të ndjeshme të vlerës nga një ditë më parë duke e nisur këtë të mërkurë në vlera të qëndrueshme teksa është blerë sot......
Moti i keq në vend, MIE: 21 fidera jashtë funksioni dhe mbi 1,000 punonjës në terren për rikthimin e energjisë
Ministria e Infrastrukturës dhe Energjisë ka bërë të ditur masat e marra për përballimin e situatës së krijuar nga moti i keq gjatë mbrëmjes së kaluar dhe......
Automjetet mbeten “motori” i tregut të sigurimeve - AMF: Sigurimi i detyrueshëm vijon të kryesojë, ndërsa ai i jetës ruan ritme pozitive
Sigurimet e detyrueshme të automjeteve vijojnë të mbajnë peshën kryesore në tregun shqiptar të sigurimeve. Gjatë gjysmës së parë të vitit, ky segment......
