Nis projekti EU4FoodSafety: 13.5 milionë euro për forcimin e sigurisë ushqimore në Shqipëri
Në Ditën Botërore të Sigurisë Ushqimore u prezantua në Tiranë projekti EU4FoodSafety, një iniciativë e re që synon përmirësimin e standardeve të sigurisë ushqimore në Shqipëri dhe përafrimin e mëtejshëm të sistemit kombëtar me kërkesat e Bashkimit Evropian.
Projekti financohet nga Bashkimi Evropian me 12.5 milionë euro dhe mbështetet gjithashtu nga qeveria gjermane me një fond shtesë prej 1 milion eurosh. Zbatimi i tij do të realizohet në bashkëpunim me organizatën gjermane GIZ dhe institucionet shqiptare që operojnë në fushën e sigurisë ushqimore.
Gjatë aktivitetit, ministri i Bujqësisë dhe Zhvillimit Rural, Andi Salla, e cilësoi nismën si një hap të rëndësishëm në forcimin e sistemit të kontrollit ushqimor dhe në përshpejtimin e reformave që lidhen me integrimin evropian.
“Siguria ushqimore është e lidhur ngushtë me mbrojtjen e shëndetit të qytetarëve, me besimin e konsumatorëve dhe me zhvillimin e sektorit agroushqimor. Përmirësimi i standardeve ndikon drejtpërdrejt edhe në aftësinë e prodhuesve shqiptarë për të konkurruar në tregjet evropiane”, u shpreh ministri.
Salla theksoi se institucionet shqiptare po vijojnë punën për modernizimin e sistemeve të kontrollit dhe inspektimit, rritjen e kapaciteteve profesionale dhe harmonizimin e legjislacionit me atë të Bashkimit Evropian.
Sipas tij, projekti do të ndihmojë në adresimin e sfidave ekzistuese përmes masave konkrete që synojnë rritjen e nivelit të sigurisë ushqimore në të gjithë zinxhirin e prodhimit dhe tregtimit.
Në aktivitet mori pjesë edhe ambasadori i Bashkimit Evropian në Shqipëri, Silvio Gonzato, i cili nënvizoi rëndësinë e krijimit të një sistemi të besueshëm që garanton produkte të sigurta për konsumatorët.
“Siguria ushqimore është një e drejtë bazë e çdo qytetari. Qëllimi ynë është të mbështesim Shqipërinë në ngritjen e një sistemi modern kontrolli, me laboratorë, inspektorë dhe shërbime veterinare që funksionojnë sipas standardeve evropiane”, deklaroi Gonzato.
Ai shtoi se përmes EU4FoodSafety do të forcohen mekanizmat e monitorimit dhe kontrollit në të gjitha hallkat e zinxhirit ushqimor, duke rritur njëkohësisht cilësinë e produkteve shqiptare dhe mundësitë për eksport në tregjet e BE-së.
Sipas përfaqësuesve të projektit, investimet në laboratorë, ekspertizë teknike dhe trajnime profesionale do të kontribuojnë në ndërtimin e një sistemi më efikas për parandalimin dhe menaxhimin e rreziqeve ushqimore. Përfitimet pritet të ndihen si nga konsumatorët, përmes garancive më të mëdha për sigurinë e ushqimit, ashtu edhe nga fermerët dhe bizneset, të cilët do të kenë mundësi të rrisin standardet dhe konkurrueshmërinë e tyre.
Projekti EU4FoodSafety konsiderohet një komponent i rëndësishëm i procesit të integrimit evropian, pasi mbështet zbatimin e reformave dhe standardeve që kërkohen nga Bashkimi Evropian në fushën e sigurisë ushqimore.
Milot-Balldren, tunel 850 metra për anashkalimin e Lezhës - Detajet e projektit për aksin 17 km, që synon zgjidhjen e trafikut
Teksa Ministria e Infrastrukturës dhe Energjisë shpalli konsorciumin fituesin për segmentin rrugor Milot – Balldren, dokumentet shoqëruese të procedurës......
Inflacioni arrin në 3% në Maj/ Norma preku objektivin e Bankës së Shqipërisë, çmimet vijojnë të rriten
Inflacioni në Shqipëri u ngjit në 3% gjatë muajit maj, duke arritur nivelin objektiv të Bankës së Shqipërisë dhe duke sinjalizuar rritje të presioneve mbi......
Shqipëria bashkohet me nismën rajonale për transport më të sigurt ndaj rreziqeve klimatike
Shqipëria është bërë pjesë e një marrëveshjeje rajonale që synon forcimin e rezistencës së infrastrukturës së transportit përballë ndikimeve të ndryshimeve......
Windows rikthehet fuqishëm në Shqipëri/ iOS mbetet lider, ndërsa Android regjistron rënien më të madhe
Tregu shqiptar i teknologjisë po kalon një periudhë ndryshimesh interesante, teksa preferencat e përdoruesve për sistemet operative kanë lëvizur ndjeshëm......
Industria shqiptare synon 80% rritje në 2030 - “Made in Albania”, drejt më shumë eksporteve
Industria përpunuese pritet të marrë një rol më të madh në ekonominë shqiptare gjatë viteve të ardhshme. Strategjia Kombëtare Industriale 2026–2030 e vendos......
Mbi 159 mijë mjete të kontrolluara në pesë muaj - DPSHTRR: Autoveturat dominojnë testimet teknike
Drejtoria e Përgjithshme e Shërbimeve të Transportit Rrugor ka publikuar bilancin e kontrollit teknik të mjeteve për periudhën janar-maj 2026, duke......
Tirana Grand Prix, gara e makinave retro në kryeqytet - Drejtori i DPSHTRR, Bajraktari: Synojmë promovimin e trashëgimisë automobilistike
Është zhvilluar për të tretin vit radhazi Tirana Grand Prix, eventi më i madh në Shqipëri dedikuar automjeteve historike RETRO. Ky aktivitet u organizua nga......
‘Financim deri në 200 mijë lekë’ - Skema Kombëtare 2026 mbështet ripopullimin e ujërave me peshk!
Subjektet që ushtrojnë aktivitet në fushën e akuakulturës do të kenë edhe këtë vit mundësinë të përfitojnë mbështetje financiare për ripopullimin e ujërave......
