Mbi 42 mijë pensione të reja pleqërie në një vit/ Sa para do marrin pensionistët e rinj të Shqipërisë?
Popullsia shqiptare po plaket me ritme të shpejta dhe këtë e konfirmojnë edhe shifrat e pensioneve të reja të lidhura për çdo vit.
Gjatë vitit 2025, 42,818 pensionistë i janë shtruar skemës, pasi kanë mbushur moshën dhe kanë lidhur pension pleqërie me Institutin e Sigurimeve Shoqërore.
Referuar të dhënave zyrtare të këtij institucioni, nga pensionistët që kanë hyrë në skemë gjatë vitit që lamë 22,781 prej tyre janë meshkuj dhe 20,037 janë femra.
Por, si ka ndryshuar masa mesatare mujore për pensionet e reja dhe a po ecën në të njëjtën linjë me kostot e jetesës?
Ajo që vihet re është se masa mesatare mujore e një pensionisti për gjininë mashkullore është 18,335 nga 18,021 lekë në muaj që rezultonte në vitin 2024, ndërsa masa mesatare mujore për gjininë femërore është 14,383 nga 15,438 lekë në muaj që ishte një vit më parë, duke pësuar rënie. Për të dy gjinitë se bashku, pensioni mesatar llogaritet në 16,486 nga 17,013 lekë në muaj që rezultonte në 2024.
Në raport me një vit më parë, pensioni mesatar i përfituar është ulur me 526 lekë.
Hendeku i përfitimeve midis meshkujve dhe femrave evidentohet ndër vite, gjë që lidhet drejtpërdrejt me hendekun e pagave në tregun e punës midis dy gjinive. Duke qenë se pensioni llogaritet në bazë të kontributeve të derdhura mbi pagën, sa më e ulët të ketë qenë ajo, aq më e vogël është vlera e përfituar.
Nga ana tjetër, sa i takon numrit të pensioneve të mbyllura, rezulton se gjatë 2025-ës janë 13,718 pensionistë që kanë humbur jetën, duke bërë që numri real i shtesës të jetë 29.100 pensionistë.
Koha mesatare e gëzimit të pensionit është 23 vite, duke pësuar rritje në raport me dy vitet e fundit.
Zhvillimet demografike të publikuara në Censin2023, qartazi evidentojnë se popullsia në moshën 60+ përbën ¼ e popullatës në Shqipëri, trend i cili po thellohet gjithnjë e më shumë për shkak të plakjes së popullsisë, rënies së lindshmërisë dhe fenomenit të emigrimit.
Qeveria ka miratuar planin e moshimit 2025-2030 ku parashikon disa ndërhyrje me qëllim rritjen e të ardhurave për këtë kategori, si përfshirjen e pensionit të 13-të, rritjen me 50 % të masës së pensionin mesatar në Shqipëri si dhe ndryshimin e formulës së indeksimit, për të ofruar më shumë mbështetje për pensionistët me të ardhura të ulëta.
Review-të negative/ Rama: Sulmi kibernetik ndaj bizneseve të turizmit, agresion ekonomik i motivuar politikisht
Kryeministri Edi Rama ka reaguar në platformën X lidhur me sulmin kibernetik që preku bizneset e sektorit të turizmit, duke e cilësuar atë si një “agresion......
Meta rrezikon gjobë të majme nga BE/ Dizajnet e Facebook dhe Instagram krijojnë varësi për të rinjtë
Dizajnet “që krijojnë varësi” të Instagram dhe Facebook kanë bërë që kompania Meta të shkelë ligjet dixhitale të Bashkimit Europian. Në këtë përfundim ka......
Trump: SHBA dhe Irani do të rifillojnë bisedimet/ Teherani mohon kërkesën për negociata
Presidenti i Shteteve të Bashkuara, Donald Trump, deklaroi se Uashingtoni dhe Teherani kanë rënë dakord të rifillojnë bisedimet diplomatike, pavarësisht......
Rivlerësimi, a do ulet çmimi i pronave?/ Pipiria: Pas Shtatorit, blerësi ka alternativa ekonomike
Rivlerësimi i pronave ka sjellë lehtësime financiare për qytetarët që duan të shesin banesat e tyre. Me tarifën e reduktuar, brenda muajve të parë nga nisja......
Tarifa shëndetësore për turistët/ Sala: Të ardhurat do të përdoren për përmirësimin e qendrave shëndetësore
Për herë të parë këtë sezon turistik po zbatohet kuadri i unifikuar i tarifave për shërbime të caktuara shëndetësore vetëm për turistët e huaj, jo rezidentë......
13.8 milionë euro do t’u kthehen fermerëve/ Malaj takime në Lushnje dhe Fier: Aplikoni për kompensimin e TVSH
Nëse të gjithë fermerët që plotësojnë kriteret për kompensimin e TVSH-së do të aplikojnë sipas udhëzimit të tatimeve, vlera e kompensimit për periudhën......
Mbi 1 mijë aplikime për startup-et/ "Grant 2026", Tirana kryeson, rritet interesi në qarqe
Ekosistemi i startup-eve në Shqipëri po shtrihet gradualisht edhe përtej Tiranës. Të dhënat e publikuara nga Startup Albania Agency tregojnë se për programin......
Shqipëria e treta në Evropë për rritjen e trafikut ajror 26% më shumë pasagjerë, renditemi pas Sllovakisë dhe RMV
Shqipëria u rendit e treta në Evropë për rritjen e trafikut ajror të pasagjerëve në maj 2026 krahasuar me majin 2025. Ky trend rritës të vendit e rendit......
