Presidenti i ICIC, Besnik Dervishi: Kosova forcon rolin e saj në zhvillimin e standardeve ndërkombëtare të transparencës
Presidenti i Konferencës Ndërkombëtare të Komisionerëve për të Drejtën e Informimit dhe Aksesin në Informacion (ICIC), njëherazi Komisioner për të Drejtën e Informimit dhe Mbrojtjen e të Dhënave Personale i Republikës së Shqipërisë, z. Besnik Dervishi, mori pjesë në konferencën ndërkombëtare të organizuar në Prishtinë me rastin e 15-vjetorit të Autoritetit për Mbrojtjen e të Dhënave Personale dhe 5-vjetorit të Agjencisë për Informim dhe Privatësi të Republikës së Kosovës.
Në fjalën e tij, Komisioneri Dervishi vlerësoi rrugëtimin institucional të Agjencisë, duke theksuar se ajo është shndërruar në një institucion kyç në garantimin e dy të drejtave themelore: të drejtës për informim dhe mbrojtjes së të dhënave personale. Në cilësinë e Presidentit të ICIC, ai evidentoi rolin gjithnjë e më aktiv të Kosovës në strukturat ndërkombëtare të transparencës, duke veçuar kontributin e Agjencisë në grupet e punës të ICIC, drejtimin e Grupit të Punës për Integritetin e Informacionit, si dhe përfaqësimin në Komitetin Ekzekutiv të Rrjetit Evropian për Transparencë dhe të Drejtën e Informimit.
Komisioneri Dervishi theksoi se rajoni ynë nuk është më vetëm përfitues i standardeve ndërkombëtare, por po kontribuon gjithnjë e më shumë në formësimin e tyre. Ai e cilësoi këtë angazhim si dëshmi të besimit që komuniteti ndërkombëtar i autoriteteve të informimit po i kushton Agjencisë për Informim dhe Privatësi të Kosovës, duke vlerësuar kontributin e saj në avancimin e standardeve të transparencës dhe aksesit në informacion.
Një vlerësim të veçantë ai shprehu për Komisioneren e Agjencisë për Informim dhe Privatësi, znj. Krenare Sogojeva Dërmaku, duke theksuar se bashkëpunimi ndërmjet autoriteteve homologe të Shqipërisë dhe Kosovës përfaqëson një model partneriteti të bazuar në besim reciprok, shkëmbim përvojash dhe angazhim të përbashkët në mbrojtje të dy të drejtave themelore: të drejtës për informim dhe mbrojtjes së të dhënave personale.
Konferencën e përshëndeti znj. Albulena Haxhiu, Ushtruese e Detyrës së Presidentit të Republikës së Kosovës, njëherësh Kryetare e Kuvendit. Ajo theksoi se e drejta e qytetarëve për t’u informuar është një nga shtyllat e demokracisë, pasi u garanton atyre mundësinë të kuptojnë se si merren vendimet, si ushtrohet pushteti dhe si administrohen fondet publike. Haxhiu nënvizoi se transparenca dhe mbrojtja e privatësisë janë dy garanci të pandashme të një shteti demokratik: transparenca e bën pushtetin të përgjegjshëm, ndërsa privatësia mbron qytetarin. Duke vlerësuar punën e Agjencisë, Haxhiu theksoi se, në kushtet e zhvillimeve të shpejta teknologjike, roli i saj bëhet gjithnjë e më i rëndësishëm, pasi një qytetar i informuar dhe një qytetar i mbrojtur përbëjnë themelin e një republike demokratike.
Në fjalën e saj, Komisionerja Krenare Sogojeva Dërmaku vlerësoi rrugëtimin pesëvjeçar të Agjencisë, duke theksuar se misioni i saj ka qenë ndërtimi i një institucioni modern, transparent dhe në shërbim të qytetarëve. Ajo evidentoi punën në ndërgjegjësimin e publikut për të drejtën e informimit dhe mbrojtjen e të dhënave personale, ngritjen e kapaciteteve profesionale në administratën publike dhe sektorin privat, si dhe forcimin e mekanizmave të mbikëqyrjes dhe zbatimit të legjislacionit në këto fusha. Duke falënderuar partnerët ndërkombëtarë, Komisionerja Sogojeva Dërmaku shprehu mirënjohje të veçantë për Komisionerin Besnik Dervishi dhe institucionin homolog në Shqipëri për mbështetjen e vazhdueshme ndaj Agjencisë. Në përmbyllje të fjalës së saj, ajo theksoi se misioni i Agjencisë nuk matet me kohën që ka kaluar, por me ndikimin që ka krijuar në mbrojtjen e të drejtave të qytetarëve dhe përgjegjësinë ndaj secilit prej tyre, duke nënvizuar se mbrojtja e të drejtave themelore të qytetarëve është, mbi të gjitha, rikthim i dinjitetit të tyre.
Në konferencë përshëndeti edhe z. Zdravko Vukić, Zëvendëskryetar i Bordit Evropian për Mbrojtjen e të Dhënave (EDPB) dhe Drejtor i Autoritetit Kroat për Mbrojtjen e të Dhënave Personale, i cili përgëzoi Agjencinë për rezultatet e arritura dhe vlerësoi progresin e Kosovës në këtë fushë. Ai theksoi se statusi i vëzhguesit në Bordin Evropian për Mbrojtjen e të Dhënave përfaqëson një hap të rëndësishëm në afrimin me standardet evropiane, duke rikonfirmuar mbështetjen e EDPB-së për forcimin institucional të Agjencisë dhe për avancimin e Kosovës në rrugën e saj evropiane.
Konferenca riafirmoi rëndësinë e bashkëpunimit rajonal dhe ndërkombëtar në promovimin e transparencës, të drejtës për informim dhe mbrojtjes së të dhënave personale, si vlera themelore të shoqërive demokratike.
Më shumë lituanezë, danezë dhe indianë në Shqipëri/ Mbi 1.1 milionë hyrje në maj, zgjerohen flukset nga tregje të reja europiane
Maji solli një tjetër rritje të hyrjeve të shtetasve të huaj në Shqipëri, por përtej rritjes së përgjithshme, të dhënat tregojnë se po zgjerohet gradualisht......
Nënstacioni elektrik nëntokësor në Tiranë - Kredia 22.5 mln euro diskutohet në Kuvend, Bilali: Furnizim për institucionet kritike
Komisioni parlamentar i Ligjeve miratoi marrëveshjen e garancisë për kredinë 22.5 mln euro që do të financojë ndërtimin e nënstacionit nëntokësor 110/20 kV......
“Rindërtimi i Ukrainës jo bamirësi, por strategji” Rama: Duhet një angazhim i fortë europian
Kryeministri Rama mori pjesë sot në Konferencën për Rindërtimin e Ukrainës, e cila zhvillohet me pjesëmarrjen e kryetarëve të shteteve dhe qeverive,......
Investim 13 milionë euro për modernizimin e rrjetit elektrik në Kamzë – Karakaci: Kanë përfunduar 40% e punimeve
Punimet për ndërtimin e nënstacionit të ri elektrik në Kamzë kanë arritur në 40% të realizimit, ndërsa investimi pritet të përmirësojë ndjeshëm sigurinë dhe......
Bashkitë trefishojnë të ardhurat nga taksat - Arkëtojnë 238 milionë euro në 5 muaj, tejkalohet plani mbi 100 %
61 bashkitë në Shqipëri kanë rritur ndjeshëm performancën në mbledhjen e të ardhurave gjatë këtij viti. Sipas të dhënave zyrtare nga Ministria e Financave,......
Mbi 1.25 milionë udhëtarë fluturuan nga TIA në maj/ Wizz Air dhe Ryanair dominuan tregun ajror shqiptar
Aeroporti Ndërkombëtar “Nënë Tereza” ka publikuar së fundmi statistikat mbi trafikun ajror gjatë muajit maj, duke treguar një rritje të aktivitetit të......
Mbi 1 milionë të huaj në Shqipëri gjatë majit/ Vizitorët nga jashtë u rritën me 15.9%, kryesojnë ata nga Europa Jugore
Sipas të dhënave të publikuara nga Instituti i Statistikave, gjatë muajit maj në Republikën e Shqipërisë janë regjistruar mbi 1.88 milionë hyrje të shtetasve......
Austria kryeson investimet e huaja në Shqipëri - Me 60 milionë euro në fillim të 2026. Lë pas Italinë, Holandën dhe Turqinë
Austria, Italia, Holanda dhe Turqia janë vendet që sollën më shumë investime në Shqipëri gjatë tremujorit të parë të vitit 2026. Të dhënat më të fundit nga......
