Sa më shumë shkollë, aq më pak sipërmarrje/ Gjysma e të rinjve me arsim të lartë punësohen, por vetëm pak guxojnë të vetëpunësohen
Të dhënat më të fundit për tregun e punës në Shqipëri gjatë vitit 2024 hedhin dritë mbi një fenomen interesant që lidhet ngushtë me nivelin arsimor të të rinjve. Për grupmoshën 15-24 vjeç, shkalla e përgjithshme e punësimit arrin në 30.2%, ndërsa 10.8% e të punësuarve janë të vetëpunësuar. Ky mesatare, megjithatë, fsheh dallime të thella kur vlerësojmë të dhënat sipas arsimimit.
Shifrat tregojnë qartë se arsimi është një faktor vendimtar për punësimin. Tek të rinjtë me arsim të lartë, shkalla e punësimit arrin në 50.9%, duke dëshmuar se gjysma e tyre arrijnë të hyjnë në tregun e punës. Por, paradoksalisht, ky grup është edhe më pak i prirur ndaj vetëpunësimit, ku vetëm 6.1% e të punësuarve të kësaj kategorie punojnë për llogari të tyre.
Në nivelin e arsimit të mesëm, shkalla e punësimit është 41.6%, ndërsa 11.5% e të punësuarve zgjedhin rrugën e vetëpunësimit. Kjo e bën këtë kategori më të balancuar, me një prirje të dukshme si drejt punësimit formal, ashtu edhe drejt sipërmarrjes individuale.
Tabloja është më e zymtë për të rinjtë me arsim 8-9 vjeçar. Vetëm 17.1% e tyre arrijnë të punësohen, por nga ana tjetër 13.4% e të punësuarve të kësaj kategorie janë të vetëpunësuar. Ky kontrast sugjeron se, në mungesë të mundësive të punësimit formal, vetëpunësimi shpesh shihet si rrugëdalja e vetme për këtë grup.
Ky fenomen lidhet me disa arsye. Të rinjtë me arsim të lartë zakonisht i japin prioritet vazhdimit të studimeve, gjë që nuk u lë hapësirë për vetëpunësim. Ndërkohë, ata me arsim të mesëm, ose 9-vjeçar shpesh ndjekin drejtime profesionale ose arsimime praktike, që u krijojnë më shumë mundësi për t’u vetëpunësuar.
Krahasimi i këtyre shifrave nxjerr në pah një trend të qartë, sa më i lartë niveli i arsimit, aq më të mëdha gjasat për t’u punësuar në mënyrë të rregullt, por njëkohësisht aq më i ulët predispozicioni për vetëpunësim.
Live TV
Vendimet e Qeverisë/ Miratohet Strategjia Kombëtare për Sigurinë Rrugore 2026–2030
Këshilli i Ministrave miratoi një sërë vendimesh në mbledhjen e radhës, mes të cilave Strategjinë Kombëtare për Sigurinë Rrugore 2026–2030 dhe planin e......
Program kombëtar për peshkimin dhe akuakulturën/ Rregulla për grumbullimin, menaxhimin dhe përdorimin e të dhënave
Këshilli i Ministrave miratoi programin kombëtar shumëvjeçar për grumbullimin, menaxhimin dhe përdorimin e të dhënave në sektorin e peshkimit dhe të......
Skema Kombëtare, mbi 21 mijë aplikime të kualifikuara/ 1,265 kërkesa nga fermerët për kompensimin 10% përmes autofaturës
Agjencia për Zhvillim Bujqësor dhe Rural, ka publikuar listat e aplikimeve të kualifikuara për masat mbështetëse në blegtori dhe bletari, në kuadër të Skemës......
Salla në Hamallaj: Rehabilitimi i hidrovorit rrit sigurinë nga përmbytjet dhe mbron bujqësinë e turizmi
Ministri i Bujqësisë dhe Zhvillimit Rural, Andis Salla, së bashku me Kryetaren e Bashkisë Durrës, Emiriana Sako, inspektuan punimet në Hidrovorin e......
