Turizmi, energjia dhe pronat tërheqin më shumë financim/ Rritet kredia e re për biznesit në Maj. Tregtia humbet terren
Kredia e re për biznesin vijoi rritjen edhe në muajin maj, e mbështetur kryesisht nga turizmi, industria përpunuese dhe sektori i energjisë. Sipas të dhënave të “Bankës së Shqipërisë”, korporatat jofinanciare private përfituan 25.5 miliardë lekë kredi të re, nga 23 miliardë lekë në të njëjtin muaj të vitit të kaluar, duke shënuar një rritje prej 11%.
Megjithëse tregtia me shumicë dhe pakicë vijon të mbajë peshën më të madhe në huamarrjen e bizneseve, financimi për këtë sektor ka shënuar rënie. Në muajin maj, bizneset e tregtisë morën 9.7 miliardë lekë kredi të re, rreth 10.5% më pak se një vit më parë. Kjo tregon se zgjerimi i përgjithshëm i kreditimit është mbështetur nga degë të tjera të ekonomisë.
Rritjen më të fortë ndër sektorët kryesorë e shënoi akomodimi dhe shërbimi ushqimor. Kreditë e reja për bizneset e turizmit arritën në 3.7 miliardë lekë, nga 2.2 miliardë lekë në maj 2025, duke u rritur me 71%. Ecuria pozitive vjen në prag të sezonit turistik veror, kur bizneset rrisin investimet dhe nevojat për financim.
Edhe industria përpunuese ka zgjeruar ndjeshëm huamarrjen. Kreditë e reja për këtë sektor arritën në 3.4 miliardë lekë, ose 51.8% më shumë se një vit më parë. Rritje të fortë shënoi gjithashtu sektori i energjisë elektrike, gazit dhe avullit, ku huamarrja u rrit më shumë se katër herë, duke arritur në 1.5 miliardë lekë.
Megjithëse kreditimi për sektorin e ndërtimit ra me 20%, aktivitetet e pasurive të paluajtshme vijuan të tërheqin më shumë financim bankar. Huaja e re për këtë kategori u rrit me 25.8%, duke arritur në 567.3 milionë lekë. Edhe sektori i bujqësisë tërhoqi më shumë financim bankar në muajin maj, duke u zgjeruar me 112%
Në kahun tjetër, disa sektorë kanë regjistruar tkurrje të ndjeshme të financimit. Kreditë për transportin dhe magazinimin ranë me 75.7%, ndërsa industria nxjerrëse shënoi rënien më të fortë, me 97.1% më pak kredi të reja krahasuar me majin e vitit të kaluar. Edhe ndërtimi regjistroi një tkurrje prej 20%, ndërsa financimi për sektorin e arsimit ra me 91.9%.
Në tërësi, të dhënat tregojnë se rritja e kredisë për biznesin në muajin maj është mbështetur nga sektorët që lidhen me prodhimin, turizmin dhe energjinë, ndërsa tregtia, edhe pse mbetet përfituesja më e madhe e financimit bankar, nuk është më shtysa kryesore e zgjerimit të huadhënies.
Rritet numri i legalizimeve - ASHK: 31,234 qytetarë janë pajisur me certifikatë pronësie
Agjencia Shtetërore e Kadastrës bën të ditur se, gjatë periudhës janar–maj 2026 janë trajtuar 343 mijë e 613 shërbime kadastrale përmes platformës e-Albania......
Tre kompani në garë për hekurudhën Vorë-Hani i Hotit - Finalistët, mes 16 pjesëmarrësve. Ofertat financiare pritet të përcaktojnë fituesin e kontratës
Gara për rehabilitimin e linjës hekurudhore Vorë - Hani i Hotit ka hyrë në fazën përfundimtare, teksa Banka Evropiane për Rindërtim dhe Zhvillim ka......
“Ulni çmimet e karburanteve!” - Trump paralajmëron shitësit me pakicë
Presidenti i SHBA-së, Donald Trump, tha se shitësit me pakicë të karburanteve duhet t'i ulin menjëherë çmimet dhe paralajmëroi se do të ketë "probleme të......
BE dhe Kina, drejt marrëveshjes tregtare - Caktohet një afat deri në tetor për të adresuar një sërë çështjesh
Bashkimi Evropian dhe Kina caktuan një afat deri në tetor për të bërë përparim në mosmarrëveshjet tregtare, ndërsa tensionet rriten midis dy fuqive......
Energjia diellore po përballet me vështirësi - Spanja shqyrton ndihmën financiare për industrinë
Qeveria spanjolle po shqyrton nëse duhet t'i ofrojë mbështetje financiare industrisë vendase të energjisë diellore që po përballet me mbifurnizim dhe çmime......
“Evropa po bëhet më elastike ndaj goditjeve ekonomike” - Lagarde: Rregullore më të mira bankare dhe fiskale
Evropa po bëhet më pak e ndjeshme ndaj goditjeve të jashtme falë një kuadri më të mirë financiar dhe progresit në tranzicionin e gjelbër, tha presidentja e......
Çfarë i shtyn punonjësit të japin dorëheqjen? - Arsyet kryesore sipas studimit të Randstad Research
Sondazhi global i Randstad mbi Markën e Punëdhënësit tregon se një paketë kompensimi e pakënaqshme mbetet arsyeja më e rëndësishme që punonjësit të largohen......
Ministri Nufi në Athinë: Më shumë bashkëpunim në siguri dhe menaxhim të emergjencave civile
Ministri i Mbrojtjes i Republikës së Shqipërisë, z. Ermal Nufi zhvilloi një vizitë zyrtare në Athinë, ku u mikprit përzemërsisht nga homologu i tij, Ministri......
