Si ndryshuan destinacionet e produkteve shqiptare? Mbretëria e Bashkuar del nga “top 10”. Gjashtë partnerët e parë, të njëjtë si vjet
Eksportet shqiptare, të ndikuara nga rënia e monedhës europiane, e kanë filluar ritmin rënës që nga muaji Mars i viti të kaluar, duke u thelluar periudhë pas periudhe dhe njëkohësisht duke ulur të ardhurat e ekportuesve.
Edhe pse pati një ngadalësim në muajin Shtator të këtij viti, të dhënat nga INSTAT tregojnë se ekportet e thelluan rënien sërish në muajin Tetor. Me një vlerë prej 31 miliardë lekësh, rënia u regjistrua ne 15.2%. Në dhjetë muaj eksportet e mallrave arritën vlerën 317 mld lekëve, duke u ulur me 14.3%, krahasuar me një vit më parë.
“Scan Intel” ka bërë një analizë të 10 partnerëve tregtarë për të parë se si ka ndryshuar harta e destinacioneve të produkteve “Made in Albania” përgjatë dhjetë muajve. Sipas të dhënave, në muajin Tetor të vitit 2024, vendet me të cilët Shqipëria ka pasur ulje më të madhe të eksporteve, në krahasim me Tetorin e vitit 2023 janë Kosova me 24.0%, Italia me 13.6% dhe Spanja me 4.7%.
Ndërkohë, gjatë këtij dhjetëmujori vendet me të cilët Shqipëria ka pasur rënie më të madhe të eksporteve, në krahasim me një vit më parë, janë Greqia me 20.2%, Italia me 14.2% dhe Kosova me 8.5%. Ndër partnerët kryesorë, vendet me të cilin eksportet kanë pasur rritjen më të madhe janë Shtetet e Bashkuara të Amerikës dhe Kina.
Por si ka ndryshuar pesha ndaj totalit sa i përket 10 partnerëve më të rëndësishëm të Shqipërisë në drejtim të eksporteve?
Nga të dhënat shohim se gjashtë partnerët e parë nuk kanë ndryshuar, krahasuar me periudhën Janar-Tetor të vitit 2023. Italia, Kosova, Greqia, Gjermania, Spanja dhe Maqedonia e Veriut janë destinacionet kryesore të produkteve shqiptare.
Ndërkohë, Kina ka spostuar Malin e Zi, ndërsa Mbretëria e Bashkuar ka dalë nga renditja e “Top 10” duke ia lënë vendin Shtetve të Bashkuara të Amerikës me një peshë prej 2% ndaj totalit të ekporteve. Italia dhe Kosova përbëjnë më shumë se gjysmën e peshës së eksporteve shqiptare për periudhën Janar-Tetor të vitit aktual.
Live TV
Vendimet e Qeverisë/ Miratohet Strategjia Kombëtare për Sigurinë Rrugore 2026–2030
Këshilli i Ministrave miratoi një sërë vendimesh në mbledhjen e radhës, mes të cilave Strategjinë Kombëtare për Sigurinë Rrugore 2026–2030 dhe planin e......
Program kombëtar për peshkimin dhe akuakulturën/ Rregulla për grumbullimin, menaxhimin dhe përdorimin e të dhënave
Këshilli i Ministrave miratoi programin kombëtar shumëvjeçar për grumbullimin, menaxhimin dhe përdorimin e të dhënave në sektorin e peshkimit dhe të......
Skema Kombëtare, mbi 21 mijë aplikime të kualifikuara/ 1,265 kërkesa nga fermerët për kompensimin 10% përmes autofaturës
Agjencia për Zhvillim Bujqësor dhe Rural, ka publikuar listat e aplikimeve të kualifikuara për masat mbështetëse në blegtori dhe bletari, në kuadër të Skemës......
Salla në Hamallaj: Rehabilitimi i hidrovorit rrit sigurinë nga përmbytjet dhe mbron bujqësinë e turizmi
Ministri i Bujqësisë dhe Zhvillimit Rural, Andis Salla, së bashku me Kryetaren e Bashkisë Durrës, Emiriana Sako, inspektuan punimet në Hidrovorin e......
