Sa kushton një Airbnb në periferi të Tiranës? Investimet në vila kanë rritur kërkesën, Bërzhita rezulton më e shtrenjta
Përveç qendrës së Tiranës, e cila vijon të mbetet pika kryesore e interesit për turistët, vitet e fundit edhe zonat periferike të kryeqytetit po tërheqin gjithnjë e më shumë vizitorë. Investimet në akomodime cilësore, hapja e bizneseve të reja dhe zhvillimi i zonave rekreative kanë bërë që shumë turistë të zgjedhin periferinë, duke kërkuar më shumë qetësi, natyrë dhe privatësi larg ritmit të vrullshëm urban.
Të dhënat e AirDNA tregojnë se në disa prej këtyre zonave çmimet mesatare të akomodimit në Airbnb janë edhe më të larta se në zona të tjera të kryeqytetit. Arsyeja lidhet me faktin se oferta dominohet nga vila të investuara, shtëpi pushimi dhe prona me standarde të larta, të cilat ofrojnë më shumë hapësirë, pamje panoramike dhe shërbime shtesë për vizitorët.
Një nga zonat që spikat është Bërzhita, e cila rezulton të ketë çmimin më të lartë mesatar ditor për një Airbnb. Sipas AirDNA, një natë akomodimi kushton mesatarisht 158 dollarë, ndërsa pronat arrijnë një normë zënieje prej 44% gjatë vitit. Edhe pse frekuentimi është disi më i ulët se në zona të tjera, niveli i lartë i çmimeve tregon se prona të tilla synojnë një segment turistësh që kërkojnë luks, qetësi dhe eksperienca më ekskluzive.
Një tjetër destinacion që vazhdon të tërheqë interes është Dajti. Në këtë zonë, çmimi mesatar i një Airbnb është rreth 71.7 dollarë për natë, ndërsa norma e zënies së pronave arrin në 49%. Kombinimi i natyrës me distancën e shkurtër nga qendra e Tiranës e bën Dajtin një alternativë tërheqëse për turistët vendas dhe të huaj.
Edhe Farka po shfaq performancë pozitive në tregun e akomodimit afatshkurtër. Sipas të dhënave, çmimi mesatar i një Airbnb arrin në rreth 76 dollarë për natë, ndërsa norma e frekuentimit është 54%, një nga më të lartat mes zonave periferike.
Ndërkohë, Kashari, i cili vitet e fundit ka njohur zhvillim të shpejtë me investime të shumta në komplekse banimi dhe pallate të reja, paraqet çmime më të përballueshme. Sipas AirDNA, një natë akomodimi kushton mesatarisht 69 dollarë, ndërsa norma e zënies së pronave arrin në 53%. Afërsia me qendrën e Tiranës, infrastruktura e përmirësuar dhe çmimet konkurruese e kanë bërë këtë zonë një zgjedhje më të preferuar për vizitorët që kërkojnë një alternativë më ekonomike pa u larguar shumë nga kryeqyteti.
Të dhënat tregojnë se turizmi në Tiranë nuk po përqendrohet më vetëm në qendër. Me zhvillimin e infrastrukturës, investimet në akomodime cilësore dhe rritjen e interesit për eksperienca më të qeta e më pranë natyrës, periferia e kryeqytetit po fiton një rol gjithnjë e më të rëndësishëm në tregun e Airbnb dhe në ofertën turistike të Tiranës.
Makinat elektrike po fitojnë terren në Evropë - Regjistrohet kërkesë e fortë e konsumatorëve
Regjistrimet e makinave të reja në BE janë rritur me 5.7% që nga fillimi i vitit, me një performancë të fortë në qershor që kontribuoi në një gjysmë të parë......
Europa po thahet nga i nxehti, jo nga mungesa e reshjeve - Shkencëtarët: Po goditet bujqësia, transportin ujor dhe prodhimi i energjisë
Shkencëtarët deklarojnë se thatësirat në Europë po shkaktohen gjithnjë e më shumë nga i nxehti përvëlues dhe jo nga mungesa e shiut, me lagështinë e tokës që......
Kostoja e hendekut të pagave në BE - Gratë fitojnë 3,900 euro në vit më pak se burrat
Hendeku gjinor në paga në BE është real dhe, sipas shifrave, është i kushtueshëm. Të ardhurat bruto në orë të grave janë mesatarisht 11.1% më pak se ato të......
Shtrëngohen rregullat për platformat digjitale - Nga reklamat mashtruese, te bllokimi i llogarive. Projektligji vendos detyrime të reja
Shqipëria do të vendosë rregulla të reja për platformat online, duke rritur mbrojtjen e përdoruesve dhe detyrimet për kompanitë që ofrojnë shërbime......
Vendimet e Qeverisë/ Miratohet Strategjia Kombëtare për Sigurinë Rrugore 2026–2030
Këshilli i Ministrave miratoi një sërë vendimesh në mbledhjen e radhës, mes të cilave Strategjinë Kombëtare për Sigurinë Rrugore 2026–2030 dhe planin e......
Program kombëtar për peshkimin dhe akuakulturën/ Rregulla për grumbullimin, menaxhimin dhe përdorimin e të dhënave
Këshilli i Ministrave miratoi programin kombëtar shumëvjeçar për grumbullimin, menaxhimin dhe përdorimin e të dhënave në sektorin e peshkimit dhe të......
Skema Kombëtare, mbi 21 mijë aplikime të kualifikuara/ 1,265 kërkesa nga fermerët për kompensimin 10% përmes autofaturës
Agjencia për Zhvillim Bujqësor dhe Rural, ka publikuar listat e aplikimeve të kualifikuara për masat mbështetëse në blegtori dhe bletari, në kuadër të Skemës......
Salla në Hamallaj: Rehabilitimi i hidrovorit rrit sigurinë nga përmbytjet dhe mbron bujqësinë e turizmi
Ministri i Bujqësisë dhe Zhvillimit Rural, Andis Salla, së bashku me Kryetaren e Bashkisë Durrës, Emiriana Sako, inspektuan punimet në Hidrovorin e......
