Individët shtyjnë ritmin e huadhënies në mars/ Kredia e re arriti në 39.9 miliardë lekë, me rritje prej 10.5%
Sipas të dhënave të fundit nga “Banka e Shqipërisë”, totali i kredisë ka arritur në 958.5 miliardë lekë në Mars të vitit 2026, me një rritje të konsiderueshme prej 10.6%, krahasuar me Marsin e vitit të kaluar, dhe një rritje prej 1.2%, krahasuar me Shkurtin e po të njëjtit vit. Pra, nëse flasim në shifra absolute, rezulton se në harkun kohor të një viti regjistron një rritje prej 92 miliardë lekësh.
Në të njëjtën kohë, huaja e re e disbursuar nga sistemi bankar gjatë muajit mars arriti në 39.99 miliardë lekë, nga 36.2 miliardë lekë në të njëjtin muaj të vitit të kaluar. Kjo përkthehet në një rritje vjetore prej rreth 10.5%, ndërsa niveli i marsit 2026 rezulton më i larti për këtë muaj në serinë e paraqitur nga “Banka e Shqipërisë”.
Kreditë e reja për korporatat jofinanciare private arritën në 27.24 miliardë lekë në mars, nga 25.48 miliardë lekë një vit më parë, ose rreth 6.9% më shumë. Kjo tregon se kërkesa për financim nga sektori privat vijon të mbetet e qëndrueshme, duke mbështetur rritjen e përgjithshme të huadhënies në ekonomi.
Zgjerimi i huadhënies së re gjatë muajit mars është mbështetur kryesisht nga individët. Në këtë segment, kreditë e reja u rritën në 12.57 miliardë lekë, nga 10.41 miliardë lekë në mars 2025, duke shënuar një rritje vjetore prej rreth 20.8%. Kjo tregon një rikthim të kërkesës për financim nga individët krahasuar me një vit më parë.
Sa i përket kredive për blerje banesash, totali i kësaj kategorie arriti në 5.75 miliardë lekë në mars 2026, nga 5.30 miliardë lekë në mars 2025, ose rreth 8.5% më shumë në terma vjetorë.
Në tërësi, të dhënat e muajit mars tregojnë një vijim të zgjerimit të huadhënies në ekonomi, me rritje të mbështetur si nga bizneset ashtu edhe nga individët, ndërsa segmenti i kredive për banesa ka shfaqur shenja stabilizimi pas luhatjeve të muajve të mëparshëm.
Kosova, sërish në zgjedhje pas krizës presidenciale - Procesi i tretë në 15 muajt e fundit. Pritet të zhvillohen në fillim të qershorit
Kuvendi i Kosovës dështoi të zgjedhë Presidentin e vendit pasi partia në pushtet Lëvizja Vetëvendosje edhe pas katër tentativave të njëanshme vetëm brenda......
Lancohet fushata kombëtare në ndërtim: “Vende Pune të Shëndetshme”
Siguria në punë në sektorin e ndërtimit hyn në një fazë të re angazhimi institucional. Inspektorati Shtetëror i Punës dhe Shërbimeve Shoqërore ka lancuar......
Linjat ajrore thellojnë krizën - Shkak, mungesa e karburantit për avionë
Linjat ajrore evropiane po përballen me mungesa të mëdha karburanti për avionët, ndërsa konflikti i vazhdueshëm në Lindjen e Mesme ka ndërprerë furnizimin......
Pasaportë përkujtimore me portretin e Trump - Pjesë e festimeve për 250-vjetorin e Deklaratës së Pavarësisë së SHBA-së
Departamenti Amerikan i Shtetit tha se do të prodhonte një numër të kufizuar pasaportash përkujtimore që mbajnë një portret të Donald Trump, shembulli më i......
“Çmimet e energjisë do të rriten me 24%” - Parashikimi i Bankës Botërore për 2026. Shkak, lufta në Lindjen e Mesme
Çmimet e energjisë pritet të rriten me 24% në vitin 2026, në nivelin e tyre më të lartë që nga pushtimi i Ukrainës nga Rusia katër vjet më parë, nëse......
Mundësi punësimi për të gjithë - AKPA: 6.391 të punësuar në 3 muaj. Fokus te barazia dhe integrimi
Agjencia Kombëtare e Punësimit dhe Aftësive ka publikuar statistikat e shërbimit të punësimit për periudhën Janar-Mars 2026. Gjatë këtij tremujori janë......
Bordi i Transparencës vendos çmimet e reja të karburanteve
Bordi i Transparencës ka miratuar sot çmimet e reja të shitjes për karburantet në vend. Sipas vendimit, çmimi i naftës (gazoil) për shitje me pakicë do të......
Samiti i Tre Deteve, Presidenti Begaj: Transformimet në energji dhe teknologji kërkojnë koordinim dhe vizion
Presidenti i Republikës, Bajram Begaj ka marrë pjesë në Samitin e 11-të të Nismës së Tre Deteve, të zhvilluar në Dubrovnik të Kroacisë, aty ku lindi kjo......
