BE vlerëson progresin e Shqipërisë në zbatimin e reformave dhe fondeve të paraanëtarësimit
Bashkimi Evropian ka vlerësuar pozitivisht progresin e Shqipërisë në zbatimin e reformave dhe përdorimin e fondeve të paraanëtarësimit, gjatë dy mbledhjeve të monitorimit të zhvilluara në Tiranë më 9 dhe 10 qershor.
Takimet, të bashkëkryesuara nga Koordinatorja Kombëtare e IPA-s dhe Planit të Rritjes, Eridana Çano, dhe përfaqësuesja e Komisionit Evropian, Sigrid Brettel, shqyrtuan ecurinë e Instrumentit për Reforma dhe Rritje (RGF) dhe Instrumentit për Ndihmën e Paraanëtarësimit (IPA), të cilët mbështesin procesin e integrimit evropian të Shqipërisë.
Sipas të dhënave të prezantuara, Shqipëria ka përfunduar 21 nga 41 hapat e reformave në periudhën e parë të raportimit dhe 12 nga 21 hapat në periudhën e dytë. Si rezultat i këtij progresi, Bashkimi Evropian ka disbursuar deri tani 213 milionë euro nga paketa totale prej 922 milionë eurosh, duke e renditur Shqipërinë ndër vendet me performancën më të mirë në Ballkanin Perëndimor.
Zëvendëskryeministrja Albana Koçiu theksoi se Plani i Rritjes përfaqëson një instrument të rëndësishëm për transformimin afatgjatë të administratës dhe politikave publike, ndërsa raportimi i radhës në korrik do të jetë një test i rëndësishëm për kapacitetet administrative të vendit.
Nga ana e saj, Sigrid Brettel vlerësoi rezultatet e arritura dhe inkurajoi vijimin e reformave, duke nënvizuar se Komisioni Evropian do të akordojë fonde shtesë për vendet e Ballkanit Perëndimor me performancën më të mirë.
Komisioni Evropian theksoi se ruajtja e ritmit të reformave dhe koordinimi efektiv institucional do të jenë vendimtarë për disbursimet e ardhshme dhe avancimin e procesit të anëtarësimit të Shqipërisë në Bashkimin Evropian.
Gjatë Komisionit të Përvitshëm të Monitorimit të IPA-s u shqyrtua gjithashtu zbatimi i rreth 150 projekteve të financuara nga BE-ja në fusha të ndryshme. Që prej vitit 2007, Bashkimi Evropian ka dhënë mbi 1.9 miliardë euro grante për Shqipërinë, ndërsa së bashku me investimet e mobilizuara përmes Kuadrit të Investimeve për Ballkanin Perëndimor, mbështetja totale arrin në rreth 4.7 miliardë euro.
BE-ja mirëpriti nisjen e projekteve të reja në fushat e antikorrupsionit, mjedisit, qeverisjes vendore dhe sigurisë ushqimore, si dhe miratimin e 100 milionë eurove të reja në kuadër të programit IPA 2025-2027 për shtetin e së drejtës, drejtësinë, të drejtat e njeriut dhe qeverisjen e mirë.
Megjithatë, Komisioni evidentoi edhe sfida që kërkojnë vëmendje të shtuar, përfshirë forcimin e kapaciteteve administrative, përmirësimin e procedurave të kontraktimit, menaxhimin financiar dhe përshpejtimin e zbatimit të programeve madhore në fushat e transformimit digjital, eficiencës së energjisë dhe punësimit të të rinjve.
Hoxha në Bullgari: Zgjerimi i BE-së është investim strategjik, Shqipëria synon anëtarësimin në vitin 2030”
Ministri për Evropën dhe Punët e Jashtme, Ferit Hoxha, gjatë një vizite në Bullgari, mori pjesë në një panel diskutimi të organizuar nga European Council on......
Qeveria miraton Planin Kombëtar për Personat me Aftësi të Kufizuara: 68 masa dhe 7.6 miliardë lekë investime deri në 2030
Këshilli i Ministrave ka miratuar Planin Kombëtar të Veprimit për Personat me Aftësi të Kufizuara 2026–2030, një dokument strategjik që synon të forcojë......
Industria kërkon punonjës të kualifikuar - Arsimi profesional, hallka që duhet të mbështesë prodhimin vendas
Një industri më moderne kërkon jo vetëm investime në teknologji dhe financim, por edhe punonjës të kualifikuar. Pikërisht fuqia punëtore konsiderohet një......
Transporti i mallrave, drejt dokumentacionit elektronik - Drafti: “Letra” do të zëvendësohen me informacionin digjital deri në vitin 2029
Kwshilli i Ministrave ka miratuar projektligjin “Për informacionin elektronik të transportit të mallrave”, i cili synon të digjitalizojë dokumentacionin......
Tregu i punës lë pas të rinjtë/ Punësimi i tyre ka rënë në 42.8%, ndërsa papunësia është rritur në 16.9%
Punësimi i të rinjve vijon të mbetet një nga sfidat më të mëdha të tregut të punës në Shqipëri. Të dhënat më të fundit të publikuara nga Instituti i......
Dollari amerikan humbet pikë – Forcohen Franga dhe Paundi
Dollari amerikan ka regjistruar rënie të vlerës pasi e nisi këtë javë pozitivisht duke fituar pikë në mënyrë konstante deri më sot teksa është blerë këtë......
400 milionë euro investime të huaja në fillim të vitit/ Flukset u rritën me 11.8% në tremujorin e parë, prekin rekord historik
Investimet e huaja direkte në Shqipëri vijuan rritjen edhe në tremujorin e parë të vitit 2026, duke shënuar nivelin më të lartë të regjistruar ndonjëherë për......
Janar- maj, mbi 38 mijë mjete ‘ngelin’ në kontroll teknik - DPSHTRR: Janë çregjistruar 4.109 mjete me moshë mesatare 22 vjeçare
Drejtoria e Përgjithshme e Shërbimeve të Transportit Rrugor ka publikuar të dhënat mbi ecurinë e kontrollit teknik të mjeteve për periudhën janar–maj 2026,......
