Pas aksidentit tragjik, DPSHTRR reagon: Dy shtetasit egjiptianë nuk kishin leje drejtimi shqiptare
Drejtoria e Përgjithshme e Shërbimeve të Transportit Rrugor (DPSHTRR) ka reaguar pas lajmeve të publikuara në media lidhur me pretendimet se dy shtetas egjiptianë, Mohamed Lotf dhe Mohamed Ali, janë pajisur me leje drejtimi shqiptare dhe dokumentacion profesional për drejtimin e autobetonierëve.
Në një deklaratë zyrtare, institucioni bën të ditur se, pas verifikimeve të kryera në regjistrat elektronikë dhe bazat zyrtare të të dhënave, ka rezultuar se asnjëri prej dy shtetasve nuk është pajisur nga DPSHTRR me leje drejtimi shqiptare. Gjithashtu, sipas institucionit, ata nuk janë pajisur as me Dëshmi Aftësie Profesionale (DAP) për profilin "Automakinist".
DPSHTRR sqaron se DAP "Automakinist" është dokumenti profesional i domosdoshëm për drejtimin e automjeteve për përdorim të veçantë, ku përfshihen edhe autobetonierët. Legjislacioni shqiptar përcakton se drejtuesit e këtyre mjeteve duhet të jenë të pajisur jo vetëm me kategorinë përkatëse të lejes së drejtimit, por edhe me Dëshminë e Aftësisë Profesionale për këtë profil.
Institucioni thekson gjithashtu se, sipas Kodit Rrugor të Republikës së Shqipërisë, shtetasit e huaj kanë të drejtë të drejtojnë automjete në territorin shqiptar me leje drejtimi të vlefshme të lëshuara nga autoritetet e vendit të tyre për një periudhë deri në një vit, sipas kushteve të përcaktuara në ligj. Për këtë arsye, fakti që një shtetas i huaj drejton një automjet në Shqipëri nuk do të thotë se ai është pajisur me leje drejtimi shqiptare.
Në deklaratë theksohet gjithashtu se Shqipëria nuk ka marrëveshje dypalëshe reciprociteti me Republikën Arabe të Egjiptit për njohjen apo konvertimin e lejeve të drejtimit. Egjipti nuk bën pjesë në listën e shteteve me të cilat Shqipëria ka marrëveshje në fuqi për njohjen e ndërsjellë dhe konvertimin e këtyre dokumenteve.
Për rrjedhojë, DPSHTRR i cilëson të pavërteta pretendimet se Mohamed Lotf dhe Mohamed Ali janë pajisur nga ky institucion me leje drejtimi shqiptare ose me Dëshmi Aftësie Profesionale për profilin "Automakinist".
Në përfundim, DPSHTRR rithekson se të gjitha procedurat për pajisjen me leje drejtimi, Dëshmi Aftësie Profesionale (DAP), Certifikatë Kompetence Profesionale (CKP) dhe dokumente të tjera të transportit rrugor kryhen vetëm në përputhje me legjislacionin në fuqi. Institucioni shprehet se mbetet në dispozicion të organeve ligjzbatuese për çdo verifikim të nevojshëm në kuadër të hetimeve dhe u bën thirrje mediave dhe opinionit publik t'u referohen fakteve zyrtare të verifikuara përpara publikimit të pretendimeve që mund të cenojnë pa bazë veprimtarinë institucionale
Kuvendi voton mes tensioneve/ Miratohen pr.ligjet “Për kontabilitetin dhe pasqyrat financiare”, “Pronësinë industriale”, “Turizmin”. Ismail Shehu, kryetar i KPP-së
Në një situatë të tensionuar, Kuvendi votoi sot projektligjet në rendin e ditës, ku deputetët e opozitës bllokuan foltoren duke kontestuar procesin e......
“Tjetër hap për përmirësimin e infrastrukturës urbane”/ Rama publikon pamjet nga punimet në rrugën "Adria"
Kryeministri Edi Rama ka publikuar një video nga ecuria e punimeve në rrugën “Adria” në Durrës, duke e cilësuar projektin si një nga investimet më të......
Më 27 Korrik, konferencë ndërkombëtare në Tiranë/ ‘Përballja me manipulimin e informacionit dhe ndërhyrjen e huaj’
Ministria për Evropën dhe Punët e Jashtme do të organizojë më 27 Korrik në Tiranë konferencën ndërkombëtare “Përballja me Manipulimin dhe Ndërhyrjen e Huaj në......
Investitorët e huaj, interes për Shqipërinë/ Mbi 11 mijë biznese të reja në 6 muaj. Kryesojnë Tirana, Vlora e Durrësi
Bizneset në Shqipëri kanë patur një ecuri pozitive të aktivitetit të tyre ekonomik dhe administrativ përgjatë 6-mujorit të parë të 2026-ës. Referuar të......
Fluturimet shtrenjtohen në nisje të sezonit veror/ Biletat e avionit, Greqia dhe Shqipëria ndjeshëm mbi mesataren e BE-së
Udhëtimet me avion janë bërë ndjeshëm më të shtrenjta në Shqipëri, pikërisht në periudhën kur nis sezoni veror dhe shtohet kërkesa për fluturime. Sipas të......
BE i vendos Google gjobë prej 890 milionë euro
Komisioni Evropian njoftoi të enjten një gjobë prej 890 milionë euro kundër Google për praktikat e dyshuara të vetëpreferencës dhe trajtimin e padrejtë të......
“Rritet transparenca dhe siguria online” - Karakaçi: Pr/ligji i ri plotëson boshllëkun ligjor për shërbimet digjitale
Më shumë transparencë për reklamat që shfaqen në rrjetet sociale, mekanizma ankimi për llogaritë e bllokuara dhe masa më të forta kundër përmbajtjeve të......
QKB, rriten me 7.5% regjistrimet e bizneseve të reja në 6-mujorin e parë të vitit 2026
Qendra Kombëtare e Biznesit (QKB) publikon treguesit statistikorë për periudhën janar–qershor 2026, të cilët evidencojnë një ecuri pozitive të aktivitetit......
