Shtrenjtimi i naftës “godet” transportin/ Por, rritja e karburanteve nuk përkthehet në “shpërthim” inflacioni në Mars
Rritja e çmimit të karburanteve pas krizës në Lindjen e Mesme, me çmimin e naftës që ka arritur në 224 lekë për litër, nuk dha një goditje të fortë në inflacionin total të marsit, megjithëse u reflektua qartë te kostot e transportit.
INSTAT bëri të ditur se inflacioni vjetor në mars arriti në 2.6%, nga 2.1% që ishte marsin e vitit të kaluar dhe nga 2.5% që ishte në muajin Shkurt të të njejtit vit.
Të dhënat e publikuara tregojnë se lëvizja më e fortë në mars erdhi pikërisht nga grupi “Transporti”, çmimet e të cilit u rritën me 7.1% krahasuar me shkurtin dhe 7.5% në raport me të njëjtin muaj të një viti më parë. Kjo e bën transportin zërin më të ekspozuar ndaj shtrenjtimit të karburanteve, në një kohë kur tensionet e reja në Lindjen e Mesme kanë shtuar pasigurinë në tregjet ndërkombëtare të energjisë.
Të dhënat historike tregojnë se transporti ka qenë tradicionalisht një nga sektorët më të ndjeshëm ndaj goditjeve të jashtme. Pas një periudhe të gjatë rëniesh dhe stabilizimi gjatë viteve 2023-2025, në mars 2026 ky grup shënoi një rritje vjetore prej 7.5%, duke u kthyer në një nga kontribuesit kryesorë në rritjen e çmimeve.
Krahasuar me Shkurtin e po të njejtit vit rritja më e madhe e çmimeve përveç transportit u shënua edhe nga “Ushqime dhe pije joalkoolike” me 0.7%, “Mobilje, pajisje shtëpie dhe mirëmbajtje e shtëpisë” me 0.4%, “Argëtim, sport dhe kulturë” me 0.3%, “Shëndeti” dhe “Restorante dhe shërbime akomodimi“me 0.1% secili.
Nga ana tjetër, çmimet e grupit “Veshje dhe këpucë” u ulën me 0.3%, pasuar nga grupet “Kujdesi personal dhe mallra e shërbime të ndryshme” me 0.2% dhe “Qira, ujë, energji elektrike, gaz dhe karburante të tjera” me 0.1%.
Sa i përket ndryshimeve vjetore, transporti u pasua nga grupe si “Qira, ujë, energji elektrike, gaz dhe karburante të tjera” me rritje prej 4.8%, “Sigurime dhe shërbime financiare” me 4.5%, “Argëtim, sport dhe kulturë” me 2.9%, “Mobilje, pajisje shtëpie dhe mirëmbajtje e shtëpisë” me 2.6%, “Restorante dhe shërbime akomodimi“ me 2.4%, “Pije alkoolike dhe duhan” dhe “Kujdesi personal dhe mallra e shërbime të ndryshme” me 2.0 % secili, “Shërbimi arsimor” me 1.9%, “Ushqime dhe pije joalkoolike” me 1.3%, etj
Megjithatë, pesha e transportit në inflacionin total mbeti më e kufizuar sesa mund të pritej nga ritmi i fortë i rritjes mujore. Sipas INSTAT, ndikimin më të madh në inflacionin vjetor të marsit e dha grupi “Qira, ujë, energji elektrike, gaz dhe karburante të tjera”, me +0.95 pikë përqindje, ndërsa transporti kontribuoi me +0.48 pikë përqindje.
Më të vizituarat
Korça, i vetmi qark me rënie të bizneseve aktive/ Tirana dhe Vlora mbeten motorët e sipërmarrjes shqiptare
Shqipëria e mbylli vitin 2025 me 137,892 ndërmarrje aktive, ose 5,720 më shumë krahasuar me një vit më parë. Të dhënat e INSTAT tregojnë se numri i bizneseve......
Kush do ta ndërtojë autostradën Milot–Balldren? - Sallillari shpallet fitues i garës për projektin strategjik infrastrukturor
Grupi Salillari është shpallur fitues i procedurës për ndërtimin e autostradës Milot–Balldren, një prej segmenteve më të rëndësishme të Korridorit......
“BE të përshpejtojë integrimin e Ballkanit Perëndimor” - Rama nga Samiti: BE duhet të jetë më e guximshme për zgjerimin
Kryeministri Edi Rama kërkon që BE-ja të tregojë më shumë guxim politik dhe të përshpejtojë integrimin e vendeve të Ballkanit Perëndimor, duke i përfshirë......
Shpallet fituesi për autostradën Milot–Balldren - Drejt nisjes një nga projektet më të mëdha rrugore në vend
Është shpallur fituesi i garës për ndërtimin e aksit rrugor Milot–Balldren, duke çuar drejt fazës së zbatimit një nga projektet më të rëndësishme......
Ibrahimaj: Investimi i “Lutech” konfirmon potencialin e Shqipërisë si qendër e inovacionit dhe teknologjisë në rajon
Ministrja e Ekonomisë dhe Inovacionit, Delina Ibrahimaj, mori pjesë në ceremoninë e inaugurimit të selisë së re të kompanisë “Lutech” në Shqipëri, në prani......
Video
