Shqipëria kryeson Europën për rritjen e netëqëndrimeve turistike/ U regjistruan mbi 3 milionë vetëm në gjashtëmujorin e parë
Agjencia e Statistikave Europiane ka publikuar së fundmi të dhënat lidhur me netëqëndrimet turistike për tremujorin e dytë të vitit. Sipas statistikave, gjatë kësaj periudhe në kontinent janë realizuar 826.1 milionë netëqëndrime në akomodimet turistike të BE-së. Kjo përbën një rritje prej 40.2 milionë netësh (+5.1%) krahasuar me tremujorin e dytë të vitit 2024. Rritja është vërejtur në nivel të BE-së dhe në të gjitha shtetet për të cilat kishte të dhëna të disponueshme.
Po si paraqitet situata në Shqipëri?
Sipas të dhënave, gjatë këtyre tre muajve në vend janë regjistruar rreth 2.3 milionë netëqëndrime, me një rritje prej 32.5% krahasuar me të njëjtën periudhë të një viti më parë. Nga kjo shifër, rreth 1.7 milionë netëqëndrime janë realizuar nga turistët e huaj dhe 569 mijë nga turistët vendas. Shqipëria rezulton të jetë shteti me rritjen më të madhe në Europë dhe rajon për këtë tremujor, në krahasim me vitin e kaluar.
Në rajon, Kosova dhe Maqedonia e Veriut kanë regjistruar rritje prej përkatësisht 7.2% dhe 20%, ndërsa Mali i Zi dhe Serbia kanë shënuar ulje prej 0.4% dhe 6.1%.
Në periudhën 6-mujore, Shqipëria ka regjistruar mbi 3 milionë netëqëndrime në total, prej të cilave rreth 840 mijë nga vizitorët rezidentë dhe 2.2 milionë nga vizitorët jo-rezidentë. Edhe për këtë periudhë, vendi ynë renditet i pari në Europë.
Sa i përket akomodimeve të preferuara në tremujorin e dytë, hotelet mbeten zgjedhja kryesore e turistëve. Megjithatë, rritje të ndjeshme kanë shënuar edhe akomodimet për qëndrime afatshkurtra (+43.3%), si dhe kampingjet (+47.6%). Përveç Shqipërisë, rritje kanë shënuar edhe shtete si Malta, Polonia dhe Sllovakia.
Live TV
Korça, i vetmi qark me rënie të bizneseve aktive/ Tirana dhe Vlora mbeten motorët e sipërmarrjes shqiptare
Shqipëria e mbylli vitin 2025 me 137,892 ndërmarrje aktive, ose 5,720 më shumë krahasuar me një vit më parë. Të dhënat e INSTAT tregojnë se numri i bizneseve......
Kush do ta ndërtojë autostradën Milot–Balldren? - Sallillari shpallet fitues i garës për projektin strategjik infrastrukturor
Grupi Salillari është shpallur fitues i procedurës për ndërtimin e autostradës Milot–Balldren, një prej segmenteve më të rëndësishme të Korridorit......
“BE të përshpejtojë integrimin e Ballkanit Perëndimor” - Rama nga Samiti: BE duhet të jetë më e guximshme për zgjerimin
Kryeministri Edi Rama kërkon që BE-ja të tregojë më shumë guxim politik dhe të përshpejtojë integrimin e vendeve të Ballkanit Perëndimor, duke i përfshirë......
Shpallet fituesi për autostradën Milot–Balldren - Drejt nisjes një nga projektet më të mëdha rrugore në vend
Është shpallur fituesi i garës për ndërtimin e aksit rrugor Milot–Balldren, duke çuar drejt fazës së zbatimit një nga projektet më të rëndësishme......
