Shitjet nga tregtia me pakicë u rritën me 6.2% në fund të 2025-ës/ Ndikimi kryesor erdhi nga artikujt jo-ushqimorë dhe hidrokarburet
Sipas të dhënave të publikuara nga INSTAT, tregtia me pakicë në Shqipëri ka shënuar një ecuri pozitive gjatë tremujorit të katërt të vitit 2025, duke reflektuar një rritje të qëndrueshme të konsumit në vend. Indeksi i volumit të shitjeve, i cili llogaritet duke deflatuar indeksin e shitjeve në vlerë, arriti në 137,5, duke regjistruar një rritje prej 6.2% krahasuar me të njëjtën periudhë të një viti më parë.
Në krahasim me tremujorin paraardhës, volumi i shitjeve është rritur me 1.5%. Ndërkohë, në terma vjetorë, volumi i shitjeve në tremujorin e katërt 2025 rezulton të jetë rritur me 5.7% kundrejt tremujorit të katërt të vitit 2024, duke dëshmuar për një performancë të qëndrueshme të sektorit të tregtisë.
Analiza sipas grupeve kryesore të mallrave tregon se rritja vjetore është mbështetur nga disa segmente të rëndësishme të tregut. Kontributin më të madh e kanë dhënë “Artikujt jo-ushqimorë në njësi tregtare të specializuara dhe jo të specializuara”, të cilët kanë shtuar +2.5 pikë përqindje në rritjen totale.
Nga ana tjetër, grupi “Ushqime, pije dhe duhan” ka kontribuar me +1,8 pikë përqindje, duke reflektuar një kërkesë të qëndrueshme për produktet bazë të konsumit. Ndërsa “Tregtia me pakicë e hidrokarbureve në njësi tregtare të specializuara” ka dhënë një kontribut prej +1,9 pikë përqindje në rritjen vjetore. Megjithatë, në krahasim me tremujorin e mëparshëm, ky grup ka shënuar një rritje më të lehtë prej 1.1%.
Ndërkohë në tremujorin e katërt volumi i shitjeve ka shënuar rritjen më të madhe në grupin “Tregti me pakicë, pa përfshirë tregtinë me pakicë të hidrokarbureve në njësi tregtare të specializuara”.
Live TV
Korça, i vetmi qark me rënie të bizneseve aktive/ Tirana dhe Vlora mbeten motorët e sipërmarrjes shqiptare
Shqipëria e mbylli vitin 2025 me 137,892 ndërmarrje aktive, ose 5,720 më shumë krahasuar me një vit më parë. Të dhënat e INSTAT tregojnë se numri i bizneseve......
Kush do ta ndërtojë autostradën Milot–Balldren? - Sallillari shpallet fitues i garës për projektin strategjik infrastrukturor
Grupi Salillari është shpallur fitues i procedurës për ndërtimin e autostradës Milot–Balldren, një prej segmenteve më të rëndësishme të Korridorit......
“BE të përshpejtojë integrimin e Ballkanit Perëndimor” - Rama nga Samiti: BE duhet të jetë më e guximshme për zgjerimin
Kryeministri Edi Rama kërkon që BE-ja të tregojë më shumë guxim politik dhe të përshpejtojë integrimin e vendeve të Ballkanit Perëndimor, duke i përfshirë......
Shpallet fituesi për autostradën Milot–Balldren - Drejt nisjes një nga projektet më të mëdha rrugore në vend
Është shpallur fituesi i garës për ndërtimin e aksit rrugor Milot–Balldren, duke çuar drejt fazës së zbatimit një nga projektet më të rëndësishme......
