Polakët u “dyndën” në bregdetin shqiptar/ Gjatë Korrikut numri i vizitorëve në vend u rrit me 34.6%
Shqipëria po shndërrohet gjithnjë e më shumë në një destinacion të preferuar turistik, me vizitorë që vijnë jo vetëm nga rajoni, por edhe nga Evropa dhe vende të largëta. Statistikat e korrikut 2025 të publikuara nga INSTAT tregojnë një zgjerim të dukshëm si në fluksin e turistëve, ashtu edhe në kohëzgjatjen e qëndrimit të tyre në hotele e struktura të tjera pritëse, krahasuar me korrikun e vitit të kaluar.
Në vend, përgjatë korrikut vizitorët kanë pësuar një rritje prej 34.6% me rreth 709 mijë turistë. Ndërkohë, sipas të dhënave të INSTAT, tregohet se vizitorët jo-rezidentë kanë shënuar një rritje prej 45.3% me rreth 526 mijë përgjatë këtij muaji, ndërkohë turistët rezidentë shënuan rritje me 11.2% duke arritur në 182 mijë. Sa i përket netëve të qëndrimit, rritja ka qenë 33.5%.
Duke qenë një nga muajt më turistikë, sigurisht që në korrik destinacionet bregdetare kanë qenë më të preferuarat, me një rritje prej 35% në rezervimet në hotele dhe struktura të ngjashme. Rajoni qendror rezulton të ketë pritur më shumë turistë se zonat e tjera të vendit.
Ndër vendet e origjinës për turistët e huaj, Kosova kryesonte me numrin më të lartë duke pasur 21% të totalit. Pas tyre renditen turistët polakë me 11%, italianët me 10%, si dhe gjermanët dhe francezët që kontribuan përkatësisht me 7% dhe 6%. Ndërsa 45% e vizitorëve vinin nga vende të paspecifikuara. Gjithashtu, sipas statistikave tregohet se norma e shfrytëzimit të dhomave në hotele arriti në 52.9%, krahasuar me 49.3% në korrik 2024.
Live TV
Korça, i vetmi qark me rënie të bizneseve aktive/ Tirana dhe Vlora mbeten motorët e sipërmarrjes shqiptare
Shqipëria e mbylli vitin 2025 me 137,892 ndërmarrje aktive, ose 5,720 më shumë krahasuar me një vit më parë. Të dhënat e INSTAT tregojnë se numri i bizneseve......
Kush do ta ndërtojë autostradën Milot–Balldren? - Sallillari shpallet fitues i garës për projektin strategjik infrastrukturor
Grupi Salillari është shpallur fitues i procedurës për ndërtimin e autostradës Milot–Balldren, një prej segmenteve më të rëndësishme të Korridorit......
“BE të përshpejtojë integrimin e Ballkanit Perëndimor” - Rama nga Samiti: BE duhet të jetë më e guximshme për zgjerimin
Kryeministri Edi Rama kërkon që BE-ja të tregojë më shumë guxim politik dhe të përshpejtojë integrimin e vendeve të Ballkanit Perëndimor, duke i përfshirë......
Shpallet fituesi për autostradën Milot–Balldren - Drejt nisjes një nga projektet më të mëdha rrugore në vend
Është shpallur fituesi i garës për ndërtimin e aksit rrugor Milot–Balldren, duke çuar drejt fazës së zbatimit një nga projektet më të rëndësishme......
