Ndërtimet për banim dominojnë tregun/ 1158 leje u dhanë në 2025. Vlera e investimit arrin në 73.9 miliardë lekë
Sektori i ndërtimit vijon të mbetet një nga motorët kryesorë të ekonomisë. Sipas të dhënave të publikuara nga Instituti i Statistikave (INSTAT), gjatë tremujorit të katërt të vitit 2025 janë miratuar 259 leje ndërtimi për ndërtesa të reja, me një sipërfaqe totale prej 340 mijë m² dhe një vlerë të përafërt investimi prej 19.4 miliardë lekësh (përfshirë edhe punimet inxhinierike). Kjo shifër tregon se investimi i tremujorit të fundit është më i lartë se i 2 tremujorëve paraardhës.
Ndërtimet për banim përbëjnë peshën kryesore të lejeve të reja, me 200 leje dhe 237 mijë m² sipërfaqe. Brenda kësaj kategorie, spikasin rezidencat për komunitete, të cilat zënë sipërfaqen më të madhe ndërtimore. Këtë tremujor lejet për rezidencat e komuniteteve kanë pasur numrin më të lartë përgjatë vitit 2025. Ndërkohë, ndërtesat jo-rezidente si hotele, objekte tregtare dhe industriale përfaqësohen nga 59 leje me 103 mijë m² sipërfaqe.
Në total për vitin 2025 janë miratuar 1,158 leje ndërtimi për ndërtesa të reja, me një sipërfaqe prej 1.3 milion m² dhe një vlerë investimi që arrin në 73.9 miliardë lekë. Edhe në këtë panoramë vjetore, ndërtimet rezidente dominojnë tregun me 890 leje dhe 844 mijë m², duke reflektuar kërkesën e lartë për banim.
Sipas INSTAT, të dhënat për tremujorin e katërt janë paraprake dhe bazohen vetëm në raportimet e bashkive, çka do të thotë se ato nuk mund të krahasohen drejtpërdrejt me të njëjtën periudhë të një viti më parë. Institucioni sqaron se po punon për unifikimin e raportimit nga të gjitha entet përgjegjëse, me qëllim rritjen e saktësisë statistikore.
Më të vizituarat
Korça, i vetmi qark me rënie të bizneseve aktive/ Tirana dhe Vlora mbeten motorët e sipërmarrjes shqiptare
Shqipëria e mbylli vitin 2025 me 137,892 ndërmarrje aktive, ose 5,720 më shumë krahasuar me një vit më parë. Të dhënat e INSTAT tregojnë se numri i bizneseve......
Kush do ta ndërtojë autostradën Milot–Balldren? - Sallillari shpallet fitues i garës për projektin strategjik infrastrukturor
Grupi Salillari është shpallur fitues i procedurës për ndërtimin e autostradës Milot–Balldren, një prej segmenteve më të rëndësishme të Korridorit......
“BE të përshpejtojë integrimin e Ballkanit Perëndimor” - Rama nga Samiti: BE duhet të jetë më e guximshme për zgjerimin
Kryeministri Edi Rama kërkon që BE-ja të tregojë më shumë guxim politik dhe të përshpejtojë integrimin e vendeve të Ballkanit Perëndimor, duke i përfshirë......
Shpallet fituesi për autostradën Milot–Balldren - Drejt nisjes një nga projektet më të mëdha rrugore në vend
Është shpallur fituesi i garës për ndërtimin e aksit rrugor Milot–Balldren, duke çuar drejt fazës së zbatimit një nga projektet më të rëndësishme......
Ibrahimaj: Investimi i “Lutech” konfirmon potencialin e Shqipërisë si qendër e inovacionit dhe teknologjisë në rajon
Ministrja e Ekonomisë dhe Inovacionit, Delina Ibrahimaj, mori pjesë në ceremoninë e inaugurimit të selisë së re të kompanisë “Lutech” në Shqipëri, në prani......
Video
