Çmimet e prodhimit zbuten, importi ngadalëson rënien/ Energjia vijon të jetë faktori kyesor në rritjen e kostove të prodhimit
Sipas të dhënave të publikuara nga INSTAT, dy tregues kryesorë, Indeksi i Çmimit të Prodhimit dhe Indeksi i Çmimit të Importit, janë luhatur në drejtime të kundërta. Ndërsa prodhuesit përballen me rritjen e vazhdueshme të kostove të prodhimit, importuesit kanë përjetuar një ulje të çmimeve. Konkretisht, Indeksi i Çmimeve të Prodhimit ka shënuar një rritje prej 0.4% në tremujorin e parë të vitit aktual, krahasuar me të njëjtën periudhë të vitit të kaluar. Ndërsa, Indeksi i Çmimeve të Importit shënoi ulje me 0.4%.
Nëse e analizojmë këtë ndryshim me të njetën periudhë të vitit të kaluar shohim se cmimet e prodhimit janë zbutur, ndërkohë çmimet e importit kanë ngadalësuar rënien.
“Scan Intel” ka analizuar shifrat për të kuptuar sesi varion rritja dhe cilët janë zërat që e shkaktojnë atë në drejtim të çmimeve të prodhimit. Krahasuar me tremujorin e parë 2024, rritja më e lartë vjetore u shënua në seksionin "Energji elektrike, gaz, avull dhe ajër të kondicionuar " me 1.0%, e ndjekur nga seksionet “Industria nxjerrëse” 0.7% dhe “Furnizimi me ujë, aktivitete të trajtimit dhe menaxhimit të mbeturinave, mbetjeve” 0.5%. Industria përpunuese shënoi një rritje me vetëm 0.03%, me rritje të ndjeshme në mobilje,farmaceutikë dhe mjete transporti.
Por, nga ana tjetër, si paraqiten çmimet e importit të kategorizuara sipas seksionit? Gjatë tremujorit të parë të vitit 2025 çmimet e importit të produkteve në seksionin “Energjia elektrike, gazi, avulli dhe ajri kondicionuar” shënuan ulje me 5.5%, pasuar nga seksionet “Furnizimi me ujë, aktivitete të trajtimit dhe menaxhimit të mbeturinave, mbetjeve” me 1.2% dhe“Industria përpunuese” me 0.1%. Brenda seksionit “Industria përpunuese” ulja më e madhe e çmimeve vërehet në produktet e aktiviteteve “Konfeksionimi i veshjeve’’ me 2.1%, pasuar nga “Metalurgjia” me 1.4%, etj. Nga ana tjetër “Industria nxjerrëse” shënoi një rritje me 0.6%.
Live TV
Rama në Zvërnec: Tokat përballë Sazanit janë pronë private, jo çështje e qeverisë
Kryeministri Edi Rama po zhvillon tashmë një takim me banorët e Zvërnecit, pas protestave të shumta të mbajtura në Tiranë për anulimin e ndërtimit të......
Korça, i vetmi qark me rënie të bizneseve aktive/ Tirana dhe Vlora mbeten motorët e sipërmarrjes shqiptare
Shqipëria e mbylli vitin 2025 me 137,892 ndërmarrje aktive, ose 5,720 më shumë krahasuar me një vit më parë. Të dhënat e INSTAT tregojnë se numri i bizneseve......
Kush do ta ndërtojë autostradën Milot–Balldren? - Sallillari shpallet fitues i garës për projektin strategjik infrastrukturor
Grupi Salillari është shpallur fitues i procedurës për ndërtimin e autostradës Milot–Balldren, një prej segmenteve më të rëndësishme të Korridorit......
“BE të përshpejtojë integrimin e Ballkanit Perëndimor” - Rama nga Samiti: BE duhet të jetë më e guximshme për zgjerimin
Kryeministri Edi Rama kërkon që BE-ja të tregojë më shumë guxim politik dhe të përshpejtojë integrimin e vendeve të Ballkanit Perëndimor, duke i përfshirë......
