Më shumë të diplomuar në universitete/ Vijon të rritet numri i menaxherëve, juristëve dhe inxhinierëve
Sistemi arsimor në Shqipëri ka nxjerrë gjatë vitit akademik 2024-2025 afro 82 mijë e 600 të diplomuar në të gjitha nivelet e arsimit. Të dhënat e publikuara nga Instituti i Statistikave tregojnë se nxënës dhe studentë nga arsimi 9-vjeçar, ai i mesëm dhe arsimi i lartë kanë përfunduar studimet, ndërsa vihet re një rënie e lehtë e diplomimeve në arsimin parauniversitar krahasuar me një vit më parë.
Sipas statistikave, 33.5% e të diplomuarve i përkasin arsimit 9-vjeçar, 31.4% arsimit të mesëm dhe rreth 35% arsimit të lartë. Në total, diplomimet në arsimin parauniversitar kanë rënë me 1.5% krahasuar me vitin e kaluar, duke reflektuar ndryshimet demografike dhe lëvizjet në sistemin arsimor.
Në arsimin 9-vjeçar, shumica e të diplomuarve janë meshkuj, të cilët përbëjnë 52.1% të totalit. Po ashtu, pjesa dërrmuese e nxënësve janë diplomuar në institucione arsimore publike, me 89.3% të totalit, çka tregon se sistemi publik vazhdon të mbajë peshën kryesore të arsimit bazë në vend.
Rënie është regjistruar edhe në arsimin e mesëm, ku numri i të diplomuarve është ulur me 3% krahasuar me vitin e kaluar. Në këtë nivel arsimor, vajzat përbëjnë shumicën e të diplomuarve me 51%. Ndërkohë, arsimi profesional zë 12.3% të diplomimeve totale në arsimin e mesëm, ku dominojnë meshkujt me 84.3% të të diplomuarve. Kjo tregon se djemtë vijojnë të jenë më të orientuar drejt degëve profesionale dhe teknike.
Nga ana tjetër, arsimi i lartë ka shënuar rritje. Gjatë vitit akademik 2024-2025 janë diplomuar afro 28 mijë e 900 studentë, ose 2.6% më shumë krahasuar me një vit më parë. Shifrat tregojnë një interes të vazhdueshëm për studimet universitare dhe pasuniversitare.
Mbi gjysma e studentëve, konkretisht 50.6%, janë diplomuar në programet Bachelor, ndërsa 43.4% kanë përfunduar programet Master. Po ashtu, femrat dominojnë edhe në arsimin e lartë, pasi 65.3% e të diplomuarve janë vajza dhe gra. Shumica e studentëve, rreth 66.6%, kanë përfunduar studimet në universitete publike.
Sa i përket degëve më të preferuara, fusha “Biznes, administrim dhe ligj” mbetet zgjedhja kryesore e studentëve shqiptarë, ku janë diplomuar 23.3% e totalit të studentëve. Në vend të dytë renditet fusha “Shëndet dhe mirëqenie” me 22.4%, ndërsa “Inxhinieri, prodhim dhe ndërtim” zë 14% të diplomimeve në arsimin e lartë.
Të dhënat tregojnë se, pavarësisht rënies së lehtë në nivelet parauniversitare, universitetet në Shqipëri vijojnë të prodhojnë një numër të lartë diplomimesh, me prirje të fortë drejt degëve të biznesit, shëndetësisë dhe inxhinierisë.
Live TV
Korça, i vetmi qark me rënie të bizneseve aktive/ Tirana dhe Vlora mbeten motorët e sipërmarrjes shqiptare
Shqipëria e mbylli vitin 2025 me 137,892 ndërmarrje aktive, ose 5,720 më shumë krahasuar me një vit më parë. Të dhënat e INSTAT tregojnë se numri i bizneseve......
Kush do ta ndërtojë autostradën Milot–Balldren? - Sallillari shpallet fitues i garës për projektin strategjik infrastrukturor
Grupi Salillari është shpallur fitues i procedurës për ndërtimin e autostradës Milot–Balldren, një prej segmenteve më të rëndësishme të Korridorit......
“BE të përshpejtojë integrimin e Ballkanit Perëndimor” - Rama nga Samiti: BE duhet të jetë më e guximshme për zgjerimin
Kryeministri Edi Rama kërkon që BE-ja të tregojë më shumë guxim politik dhe të përshpejtojë integrimin e vendeve të Ballkanit Perëndimor, duke i përfshirë......
Shpallet fituesi për autostradën Milot–Balldren - Drejt nisjes një nga projektet më të mëdha rrugore në vend
Është shpallur fituesi i garës për ndërtimin e aksit rrugor Milot–Balldren, duke çuar drejt fazës së zbatimit një nga projektet më të rëndësishme......
