Lufta në Lindjen e Mesme rrit kostot për shqiptarët/ Shtrenjtimi i karburanteve rrit inflacionin, ngjitet në 2.8% në Prill
Pasojat e tensioneve në Lindjen e Mesme kanë nisur të reflektohen edhe në ekonominë shqiptare, duke shtuar presionin mbi koston e jetesës. Inflacioni në muajin prill arriti në 2.8%, niveli më i lartë i regjistruar në dy vitet e fundit, teksa rritja e çmimeve të karburanteve dhe energjisë po transmetohet gradualisht në gjithë ekonominë.
Sipas të dhënave të publikuara nga INSTAT, norma e inflacionit u rrit nga 2.6% në mars në 2.8% në prill, ndërsa krahasuar me të njëjtin muaj të vitit të kaluar, çmimet janë rritur ndjeshëm në disa prej zërave kryesorë të shportës.
Goditjen kryesore në rritjen e çmimeve e ka dhënë transporti. Sipas INSTAT, çmimet në këtë grup u rritën me 8.5% në baza vjetore dhe me 1% vetëm gjatë muajit prill. Shtrenjtimi lidhet drejtpërdrejt me rritjen e çmimit të karburanteve në tregjet ndërkombëtare, pas përshkallëzimit të konfliktit në Lindjen e Mesme. Në tregun vendas, nafta u ngjit mbi 200 lekë për litër, nga rreth 175 lekë që ishte deri në shkurt.
Pas transportit, ndikimin më të madh në inflacion e dhanë qiratë, energjia elektrike, uji dhe karburantet e tjera, grup që u rrit me 4.7% dhe kontribuoi me 0.93 pikë përqindje në inflacionin total. Rritje të ndjeshme pati edhe në sigurime e shërbime financiare me 4.1%, argëtim e kulturë me 3.7%, si dhe në restorante e shërbime akomodimi me 2.8%.
Edhe ushqimet vijojnë të mbeten më të shtrenjta për familjet shqiptare. Grupi “Ushqime dhe pije joalkoolike” u rrit me 1.3%, duke kontribuar me 0.47 pikë përqindje në inflacionin vjetor. Nga ana tjetër, veshjet dhe këpucët ishin i vetmi grup që shënoi ulje të lehtë të çmimeve me 0.2% krahasuar me marsin.
Në përballje me këto zhvillime, Banka e Shqipërisë vendosi në mbledhjen e fundit të mbajë të pandryshuar normën bazë të interesit në 2.5%. Guvernatori deklaroi se rritja e çmimeve të energjisë dhe naftës në tregjet botërore pritet të sjellë një rritje të përkohshme të inflacionit gjatë vitit 2026, por pa krijuar pasoja afatgjata për ekonominë shqiptare.
Sipas Bankës së Shqipërisë, goditja aktuale pritet të ketë efekt kalimtar, ndërsa ekonomia do të vazhdojë të ruajë ritme pozitive rritjeje, megjithëse më të ngadalta se parashikimet fillestare.
Më të vizituarat
Korça, i vetmi qark me rënie të bizneseve aktive/ Tirana dhe Vlora mbeten motorët e sipërmarrjes shqiptare
Shqipëria e mbylli vitin 2025 me 137,892 ndërmarrje aktive, ose 5,720 më shumë krahasuar me një vit më parë. Të dhënat e INSTAT tregojnë se numri i bizneseve......
Kush do ta ndërtojë autostradën Milot–Balldren? - Sallillari shpallet fitues i garës për projektin strategjik infrastrukturor
Grupi Salillari është shpallur fitues i procedurës për ndërtimin e autostradës Milot–Balldren, një prej segmenteve më të rëndësishme të Korridorit......
“BE të përshpejtojë integrimin e Ballkanit Perëndimor” - Rama nga Samiti: BE duhet të jetë më e guximshme për zgjerimin
Kryeministri Edi Rama kërkon që BE-ja të tregojë më shumë guxim politik dhe të përshpejtojë integrimin e vendeve të Ballkanit Perëndimor, duke i përfshirë......
Shpallet fituesi për autostradën Milot–Balldren - Drejt nisjes një nga projektet më të mëdha rrugore në vend
Është shpallur fituesi i garës për ndërtimin e aksit rrugor Milot–Balldren, duke çuar drejt fazës së zbatimit një nga projektet më të rëndësishme......
Ibrahimaj: Investimi i “Lutech” konfirmon potencialin e Shqipërisë si qendër e inovacionit dhe teknologjisë në rajon
Ministrja e Ekonomisë dhe Inovacionit, Delina Ibrahimaj, mori pjesë në ceremoninë e inaugurimit të selisë së re të kompanisë “Lutech” në Shqipëri, në prani......
Video
