Femrat mbajnë peshën kryesore në bashkitë e vendit/ 77% e stafit me gra, kryesojnë ato në shërbime sociale
Një raport i publikuar nga UNDP për sa I përket punonjësve të 12 bashkive kryesore ka zbuluar se 77% e stafit të bashkive në Shqipëri janë femra, duke treguar një prani të dukshme të grave në administratën vendore, veçanërisht në sektorët e shërbimeve sociale. Nga gjithsej 973 punonjës, 754 janë gra, ndërsa burrat përbëjnë vetëm 219 persona nga stafi.
Të dhënat tregojnë se profesionet e lidhura me shërbimet sociale dominohen nga femrat. Vetëm 32% e stafit përbëhet nga profesionistë të specializuar,pra punonjësve socialë ndërsa pjesa tjetër i takon kategorive të tjera profesionale. Punonjësit socialë përbëjnë grupin më të madh me 316 persona, prej të cilëve 276 janë gra, ndërsa psikologët janë gjithsej 36 dhe pothuajse të gjithë janë femra.
Juristët përfaqësohen me vetëm 11 punonjës, nga të cilët 8 gra, ndërsa ekonomistët arrijnë në 137, prej të cilëve 81 janë femra. Profesionet e tjera si inxhinierë, mjekë, agronomë apo veterinerë zënë pjesën më të madhe të stafit, duke përfaqësuar rreth 49% të totalit.
Një tregues i rëndësishëm i raportit është edhe ngarkesa që ka secila bashki në raport me përfituesit e shërbimeve sociale. Bashkia Kukës ka situatën më të rënduar me 629 përfitues për çdo punonjës, pasuar nga Tirana me 565 dhe Shkodra me 533 përfitues për punonjës. Në të kundërt, Berati rezulton të ketë raportin më të ulët, me vetëm 107 përfitues për një punonjës, duke reflektuar një shpërndarje më të balancuar të stafit. Gjithashtu, në krahasim me para dy vitesh, ngarkesa e punonjësve është ulur ndjeshëm, sidomos në bashkitë që më parë kishin probleme si Kukësi, Dibra, Elbasani dhe Tirana.
Live TV
Korça, i vetmi qark me rënie të bizneseve aktive/ Tirana dhe Vlora mbeten motorët e sipërmarrjes shqiptare
Shqipëria e mbylli vitin 2025 me 137,892 ndërmarrje aktive, ose 5,720 më shumë krahasuar me një vit më parë. Të dhënat e INSTAT tregojnë se numri i bizneseve......
Kush do ta ndërtojë autostradën Milot–Balldren? - Sallillari shpallet fitues i garës për projektin strategjik infrastrukturor
Grupi Salillari është shpallur fitues i procedurës për ndërtimin e autostradës Milot–Balldren, një prej segmenteve më të rëndësishme të Korridorit......
“BE të përshpejtojë integrimin e Ballkanit Perëndimor” - Rama nga Samiti: BE duhet të jetë më e guximshme për zgjerimin
Kryeministri Edi Rama kërkon që BE-ja të tregojë më shumë guxim politik dhe të përshpejtojë integrimin e vendeve të Ballkanit Perëndimor, duke i përfshirë......
Shpallet fituesi për autostradën Milot–Balldren - Drejt nisjes një nga projektet më të mëdha rrugore në vend
Është shpallur fituesi i garës për ndërtimin e aksit rrugor Milot–Balldren, duke çuar drejt fazës së zbatimit një nga projektet më të rëndësishme......
