Çfarë tregtojmë më shumë me Britaninë? Të dhënat tregojnë rritje të shkëmbimeve tregtare
Zyra e Statistikave të Mbretërisë së Bashkuar ka publikuar disa të dhëna në lidhje me tregtinë e jashtme me Shqipërinë. Për një vit, eksportet totale të Mbretërisë së Bashkuar në Shqipëri arritën në 205 milionë paund, me një rritje prej 7.3%. Ndërkohë, importet totale të Mbretërisë së Bashkuar nga Shqipëria arritën në 169 milionë paund, me një rritje prej 8.3%.
Por cilat produkte u eksportuan dhe u importuan më shumë mes dy vendeve? Sipas të dhënave të ONS, tregtia mes Shqipërisë dhe Mbretërisë së Bashkuar mbetet e përqendruar kryesisht në disa kategori kryesore produktesh. Statistikat për mbylljen e vitit 2025 tregojnë se Shqipëria vazhdon të eksportojë drejt tregut britanik kryesisht produkte të industrisë së lehtë dhe bujqësisë, ndërsa importet dominohen nga makineritë dhe pajisjet.
Ndër produktet kryesore që Shqipëria ka eksportuar drejt Mbretërisë së Bashkuar kryesojnë veshjet, me një vlerë rreth 2.2 milionë paund. Kjo kategori mbetet një nga sektorët më të rëndësishëm të eksporteve shqiptare, duke reflektuar rolin e industrisë fason në ekonominë e vendit. Pas tyre renditen pijet dhe duhani, me rreth 1.5 milionë paund, si dhe perimet dhe frutat, me një vlerë rreth 1.1 milionë paund. Në listën e eksporteve kryesore përfshihen gjithashtu hekuri dhe çeliku, si edhe produktet minerale të përpunuara, secila me rreth 0.9 milionë paund.
Nga ana tjetër, importet e Shqipërisë nga Mbretëria e Bashkuar dominohen nga pajisjet dhe teknologjia. Produkti kryesor i importuar janë makinat, me një vlerë rreth 4.1 milionë paund, duke treguar kërkesën e tregut shqiptar për automjete. Po ashtu, një pjesë e konsiderueshme e importeve përbëhet nga makineri të specializuara, me rreth 2.5 milionë paund, si dhe produkte ushqimore të ndryshme, me një vlerë rreth 2.3 milionë paund. Në këtë listë përfshihen edhe pijet dhe duhani, me rreth 2.1 milionë paund, si dhe makineritë e zyrës dhe pajisjet e teknologjisë, me rreth 2 milionë paund.
Live TV
Korça, i vetmi qark me rënie të bizneseve aktive/ Tirana dhe Vlora mbeten motorët e sipërmarrjes shqiptare
Shqipëria e mbylli vitin 2025 me 137,892 ndërmarrje aktive, ose 5,720 më shumë krahasuar me një vit më parë. Të dhënat e INSTAT tregojnë se numri i bizneseve......
Kush do ta ndërtojë autostradën Milot–Balldren? - Sallillari shpallet fitues i garës për projektin strategjik infrastrukturor
Grupi Salillari është shpallur fitues i procedurës për ndërtimin e autostradës Milot–Balldren, një prej segmenteve më të rëndësishme të Korridorit......
“BE të përshpejtojë integrimin e Ballkanit Perëndimor” - Rama nga Samiti: BE duhet të jetë më e guximshme për zgjerimin
Kryeministri Edi Rama kërkon që BE-ja të tregojë më shumë guxim politik dhe të përshpejtojë integrimin e vendeve të Ballkanit Perëndimor, duke i përfshirë......
Shpallet fituesi për autostradën Milot–Balldren - Drejt nisjes një nga projektet më të mëdha rrugore në vend
Është shpallur fituesi i garës për ndërtimin e aksit rrugor Milot–Balldren, duke çuar drejt fazës së zbatimit një nga projektet më të rëndësishme......
