Çfarë eksportuam dhe në cilët vende? Italia dhe Kosova morën më shumë nga Shqipëria
Shqipëria vazhdon të eksportojë dhe importojë produkte të ndryshme sipas kërkesave të brendshme dhe nevojave të partnerëve tregtarë. Sipas të dhënave të publikuara nga Instituti i Statistikave (INSTAT), gjatë gjashtëmujorit të parë të vitit 2025 vendi ka regjistruar një sërë zhvillimesh pozitive në fushën e eksporteve, me disa grupe kapituj që kanë dominuar qartë tregtinë ndërkombëtare.
Produktet më të eksportuara gjatë kësaj periudhe kanë qenë lëndët djegëse minerale, vajrat minerale dhe produktet e distilimit të tyre, me një vlerë që arrin në rreth 43 miliardë lekë. Këto mallra janë eksportuar kryesisht drejt Kosovës. Menjëherë pas këtij grupi, renditen veshjet e këmbëve, të cilat kanë gjeneruar afro 23 miliardë lekë të ardhura nga eksportet.
Një tjetër grup i rëndësishëm ka qenë ai i artikujve të veshjes dhe aksesorëve jo të thurur, me një vlerë eksporti prej rreth 18 miliardë lekësh, sidmos drejt Italisë. Gjithashtu, makineritë dhe pajisjet elektrike kanë regjistruar një volum të lartë eksporti, me vlerë që kap shifrën e 13 miliardë lekëve.
Përveç këtyre, edhe grup-kapitujtë tjerë të ekonomisë kanë kontribuar në eksportet shqiptare gjatë kësaj periudhe. Zarzavatet dhe produktet bujqësore, gëlqerja dhe çimentoja, xeherorët, si dhe artikujt prej gize dhe çeliku, kanë shënuar gjithashtu rritje të ndjeshme në vlerën e eksporteve.
Sa i përket destinacioneve të eksporteve, Italia mban vendin e parë me një vlerë prej rreth 79 miliardë lekësh të mallrave të eksportuara nga Shqipëria vetëm për gjashtë muajt e parë të vitit. Ky raport tregtar i fortë mes dy vendeve mbetet një shtyllë kryesore e ekonomisë shqiptare. Pas Italisë, në listën e partnerëve më të mëdhenj renditet Kosova me rreth 34 miliardë lekë, ndërsa Greqia ka marrë mallra shqiptare me një vlerë që i afrohet 13 miliardë lekëve. Eksportet shqiptare janë shpërndarë edhe në vende të tjera si Gjermania, Spanja, Serbia dhe Maqedonia e Veriut. Për më tepër, Shqipëria ka vendosur marrëdhënie eksportuese edhe me tregje më të largëta si Kina, duke demonstruar një tendencë të qartë për diversifikimin e partnerëve tregtarë.
Live TV
Rama në Zvërnec: Tokat përballë Sazanit janë pronë private, jo çështje e qeverisë
Kryeministri Edi Rama po zhvillon tashmë një takim me banorët e Zvërnecit, pas protestave të shumta të mbajtura në Tiranë për anulimin e ndërtimit të......
Korça, i vetmi qark me rënie të bizneseve aktive/ Tirana dhe Vlora mbeten motorët e sipërmarrjes shqiptare
Shqipëria e mbylli vitin 2025 me 137,892 ndërmarrje aktive, ose 5,720 më shumë krahasuar me një vit më parë. Të dhënat e INSTAT tregojnë se numri i bizneseve......
Kush do ta ndërtojë autostradën Milot–Balldren? - Sallillari shpallet fitues i garës për projektin strategjik infrastrukturor
Grupi Salillari është shpallur fitues i procedurës për ndërtimin e autostradës Milot–Balldren, një prej segmenteve më të rëndësishme të Korridorit......
“BE të përshpejtojë integrimin e Ballkanit Perëndimor” - Rama nga Samiti: BE duhet të jetë më e guximshme për zgjerimin
Kryeministri Edi Rama kërkon që BE-ja të tregojë më shumë guxim politik dhe të përshpejtojë integrimin e vendeve të Ballkanit Perëndimor, duke i përfshirë......
