5.34% më shumë shtetas nga rajoni vizituan Shqipërinë këtë verë/ Kosova dhe Maqedonia e Veriut kryesuan me numrin më të lartë
Turizmi në Shqipëri po përjeton një periudhë të artë zhvillimi, ku gjithnjë e më shumë vizitorë nga rajoni dhe më gjerë zgjedhin vendin tonë si destinacionin e tyre të pushimeve. Vizitat nga shtetas të huaj janë shtuar ndjeshëm, sidomos gjatë muajve të verës, kur vendi ynë kthehet në një prej destinacioneve më të preferuara të rajonit për pushime dhe turizëm bregdetar.
Sipas të dhënave zyrtare të Institutit të Statistikave (INSTAT), gjatë muajve të verës 2025, në territorin shqiptar ka pasur rreth 2.95 milionë hyrje nga vendet e rajonit. Krahasuar me verën e vitit 2024, kur numri ishte 2.8 milionë, vërehet një rritje prej 5.34%, duke dëshmuar për një interes gjithnjë e më të madh të turistëve rajonalë për Shqipërinë.
Në analizë më të detajuar, rezulton se Kosova vijon të mbajë vendin e parë për nga numri i shtetasve që kanë vizituar Shqipërinë gjatë verës, me rreth 2.2 milionë hyrje, duke përbërë pjesën dërrmuese të vizitorëve rajonalë. Pas saj renditen Maqedonia e Veriut, Mali i Zi dhe Serbia, ndërsa Bosnje-Hercegovina regjistron numrin më të ulët të hyrjeve për këtë periudhë.
Sipas statistikave, muaji gusht rezulton të ketë pritur fluksin më të madh të turistëve nga pothuajse të gjitha vendet e rajonit, me përjashtim të Malit të Zi, për të cilin kulmi është regjistruar në muajin korrik. Kjo periudhë përkon edhe me sezonin më të ngarkuar të pushimeve familjare, ku shumë qytetarë të rajonit shfrytëzojnë fundin e verës për të vizituar plazhet dhe qytetet bregdetare shqiptare.
Në përgjithësi, të gjitha vendet e rajonit kanë shënuar një rritje të qëndrueshme në numrin e vizitorëve që kanë hyrë në Shqipëri këtë vit. Kjo tregon se vendi po fiton terren si një destinacion turistik rajonal.
Live TV
Rama në Zvërnec: Tokat përballë Sazanit janë pronë private, jo çështje e qeverisë
Kryeministri Edi Rama po zhvillon tashmë një takim me banorët e Zvërnecit, pas protestave të shumta të mbajtura në Tiranë për anulimin e ndërtimit të......
Korça, i vetmi qark me rënie të bizneseve aktive/ Tirana dhe Vlora mbeten motorët e sipërmarrjes shqiptare
Shqipëria e mbylli vitin 2025 me 137,892 ndërmarrje aktive, ose 5,720 më shumë krahasuar me një vit më parë. Të dhënat e INSTAT tregojnë se numri i bizneseve......
Kush do ta ndërtojë autostradën Milot–Balldren? - Sallillari shpallet fitues i garës për projektin strategjik infrastrukturor
Grupi Salillari është shpallur fitues i procedurës për ndërtimin e autostradës Milot–Balldren, një prej segmenteve më të rëndësishme të Korridorit......
“BE të përshpejtojë integrimin e Ballkanit Perëndimor” - Rama nga Samiti: BE duhet të jetë më e guximshme për zgjerimin
Kryeministri Edi Rama kërkon që BE-ja të tregojë më shumë guxim politik dhe të përshpejtojë integrimin e vendeve të Ballkanit Perëndimor, duke i përfshirë......
