Vetëprodhuesit e energjisë, ndryshon faturimi - Skema e re/ Jo më kompensim në kWh, por në vlerë monetare. Si do caktohet çmimi
Qeveria ka miratuar skemën e re për vetëprodhuesit e energjisë nga burimet e rinovueshme, duke kaluar nga modeli i “matjes neto” tek ai i “faturimit neto”, një mekanizëm që synon të integrojë më tej prodhuesit familjarë dhe bizneset në tregun e energjisë elektrike.
Vendimi i publikuar në Fletoren Zyrtare përcakton rregullat dhe procedurat për lidhjen në rrjet të impianteve vetëprodhuese, si dhe mënyrën e kompensimit për energjinë e tepërt të injektuar në rrjet. Sipas skemës së re, energjia e tepërt nuk do të kompensohet më në kWh, por në vlerë monetare, përmes një sistemi faturimi neto.
Kjo do të thotë se energjia e injektuar në rrjet do të blihet nga furnizuesi i energjisë, ndërsa diferenca pozitive mes energjisë së dorëzuar dhe asaj të konsumuar do të kalojë si kredi monetare në faturën e muajit pasardhës.
Vendimi u jep të drejtën të gjithë konsumatorëve familjarë dhe jofamiljarë të lidhur në rrjet që të bëhen vetëprodhues të energjisë nga burime të rinovueshme, me një kapacitet maksimal të instaluar deri në 500 kWp.
Në dokument parashikohet gjithashtu që vetëprodhuesit të kenë të drejtë të prodhojnë energji për përdorim vetjak, ta ruajnë atë dhe të shesin tepricat në treg, përmes marrëveshjeve me furnizuesit e energjisë. Në rastin e pallateve apo ndërtesave me shumë apartamente, skema lejon edhe vetëprodhimin kolektiv dhe ndarjen e energjisë mes banorëve.
Një tjetër element i rëndësishëm është mënyra e përcaktimit të çmimit të energjisë së injektuar në rrjet. Për konsumatorët e furnizuar nga Furnizuesi i Shërbimit Universal, çmimi do të llogaritet mbi bazën e çmimit mesatar të energjisë në bursën ALPEX gjatë vitit paraardhës, duke marrë në konsideratë edhe kostot e rrjetit dhe balancimit. Megjithatë, vendimi përcakton se ky çmim nuk mund të jetë më i ulët se 80% e tarifës së energjisë për klientët familjarë.
Ndërkaq, Operatori i Sistemit të Shpërndarjes do të ketë detyrimin të krijojë brenda një viti një regjistër elektronik për monitorimin në kohë reale të prodhimit dhe konsumit të energjisë nga vetëprodhuesit, ndërsa aplikimet për lidhje në rrjet pritet të kalojnë në një portal online brenda 6 muajve.
Sot Konferenca e 8-të Ndërqeveritare Shqipëri-BE/ Moment i rëndësishëm në fazën aktuale të negociatave
Shqipëria dhe Bashkimi Evropian do të zhvillojnë sot në Bruksel Konferencën e 8-të Ndërqeveritare për procesin e negociatave të anëtarësimit, një takim që......
Rreziku i madh i Ngushticës së Hormuzit/ Mbi 1,500 anije tregtare, të bllokuara që nga fillimi i luftës
Më shumë se 1,500 anije tregtare kanë mbetur të bllokuara në Gjirin Persik për tre muaj që nga fillimi i luftës në Iran dhe menaxhimi i tyre do të jetë një......
Evropa i drejtohet kursimeve private/ Numri i punonjësve po zvogëlohet, të moshuarit po rriten me shpejtësi
Sipas analizave të fundit të BQE-së, familjet evropiane vazhdojnë të mbajnë një pjesë të madhe të pasurisë së tyre në depozita bankare me rendiment të ulët,......
Nis zyrtarisht ngritja e Bankës Shqiptare të Zhvillimit, OBP hap procedurën për konsulencë ndërkombëtare
Nis zyrtarisht procedura për ngritjen e Bankës Shqiptare të Zhvillimit, institucioni i parë financiar zhvillimor me kapital 100% shtetëror në vend. Operatori......
Ku në Evropë kursejnë më shumë familjet? Suedia dhe Hungaria, në krye. Greqia, në territor negativ
Kursimi neto i familjes përfaqëson pjesën e të ardhurave që nuk shpenzohet për konsum përfundimtar. Sipas OECD-së, normat neto të kursimit të familjeve......
Çmime të larta për konsumatorët britanikë/ Vetëm 16% e firmave mbeten të padëmtuara nga konflikti
Ndërprerja e transportit detar global, së bashku me çmimet në rritje të energjisë dhe lëndëve të para, kanë rritur kostot për kompanitë e Mbretërisë së......
“BQE duhet të rrisë normat e interesit në qershor”/ Schnabel: Vendimmarrje edhe nëse arrihet marrëveshja e paqes me Iranin
“BQE duhet të rrisë normat e interesit në qershor, edhe nëse bisedimet e paqes me Iranin sjellin një marrëveshje, pasi konflikti ka zgjatur shumë më gjatë se......
Nordikët dhe aziatikët “zbulojnë” Shqipërinë/ Danimarka dhe India, sërish me rritjen më të fortë edhe në prill
Prilli solli një tjetër rritje të hyrjeve të shtetasve të huaj në Shqipëri, por këtë herë ajo që bie më shumë në sy nuk janë vetëm shifrat totale, por......
